دخلت ولدي بالمركز التشيكي

السلام عليكم ورحمه الله
اعرفكم بولدي ولدته على سبع شهور صار عنده نقص اكسجين وسببه له الشي هاذا شد في اليدين والرجلين اما الراس فهو يطيح يمين ويسار مايجلس ولا يحبي عمره الان اربع سنوات كان عمره سنه ونص طبعا نراجع فيه بمستشفى الملك فهد كانو يسوون له اشاعات وتحاليل واشياء كثيييييييييييير بس اخر شي الدكتور قال لزوجي انه مافيه علاج واذا بتحاولون بكيفكم حولونا للعلاج الطبيعي ااااااااه يالعلاج الطبيعي عندهم كل اربع شهور موعد عند الدكتوره مده ساعه تعلمن طريقه العلاج وخلاص انا اسويه للكن ماكملت ليييييييييييييييش لان الحركات جدا صعبه وولدي يمووووت من الصياح ويصير وجهه ازرررررررررررق فبطلت حسيت ماعنده سالفه وخاصه ان التمارين تركز بس على الرجلين المهم حملت وانقطعت فترررره عن الستشفيات واخيرا الحين رحنا فيه للمركز التشيكي وشافته الدكتوره وسوت له برنامج كل يوم ساعتين من السبت الى الخميس لمده شهر لكن حنا في قائمه الانتظار للحين مابدينا وراح نجرب شهر اذا تحسن الولد كملنا اذا ماتحسن خلاص ندور طريقه ثانيه
المهم في الموظوع ان الي حالتهم مثل ولدي ياليت نتواصل في هذا الموظوع وان شاء الله راح اقولكم وش يصير معنا مع العلم ان الي مثل حاله ولدي لهم علاج ومضمون باذن الله في الجبيل في مستشفى القوات البحريه تحديدا علاج تحت الضغط لكن للاسف مايدخل هذا المستشفى الا الي يشتغل في البحريه او امر من الامير سلطان الي عنده لنا واسطه ياليت تكلمن على الخاص والله يشفى ولدي واولادكم يارب العالمين
ايوة صح يابنات الي عنده كرسي او جلاسه او حتى عربيه تنفع لولدي وتكون ماتحتاجه ياليت تقولي عنه ومشكورييييييييييييين