دخلك وشقاك ونظرة من حولك

السلام عليكم ورحمة الله
اللحين ليش المجتمع ينظر للموضفه انها عندها فلوس وينقدون على لبسها وضيافتها وبيتها واثاثها كأن هذا الراتب مليوون ريال والا كأن من المفترض تصرف راتبها في الكماليات
عني درست وتعبت وتغربت وذقت المر بالغربه ورجعت توضفت وبيت واطفال وحمل وولاده وشقى وتعب حتى بالدوام وحياتي ركض بركض واجي اسمع فلانه معاها فلوس ومرتاحه بالله فين مرتاحه لو تجي يوم واحد تشوف نمط حياتي ماتقدر تسوي اللي اسويه ولاتقدر تعيش يوم بوضعي فليش التفلسف ليش جالسه رجل على رجل وتتكلم موقف حصل لي امس بمناسبه ذكروا فلانه ليش ماجات قلت انا ضعيفه دوامها صبح واكيد جات مرهقه ولا امداها وانا اعرف كميه الشغل عندها قالوا عندها شغاله مرتاحه ماعندها شي وعاد ليته مبين عليها ذا الراتب وقتها انا غلى دمي وما ارضى احد ينسب قدامي قلت تعرفين ضروفها تعرفين ايش عليها التزامات عشان تحكمين وانتي حاطه رجل على رجل واحتد النقاش بين الموضفه وربة البيت اللي تقول احنا ربات البيوت مواعينا ولبسنا احسن من الموظفات قلت الله يبارك لك ويزيدك من فضله بس مالها دخل تقارنين نفسك بغيرك ودها تجيب صحونها من السيف والا تجيبها من ابوريالين كلا حر بماله ولا احد عايش ضروف احد قاموا يقولوا انتي كم دخلك ودخل زوجك يدخل عليكم فوق ٥٠ الف ماشفناك لابسه ماركه قلك بتنقص مني قلت ولابتشوفيني البس ماركه ولايطرى علي اداوم فوق ٨ساعات مو عشان احطها بلبسه عندي اهم ولاجبتها من فراغ تعبي وشقاي لو انك تمرمطتي وتعبتي وسهرتي ماتحطين١٠الاف واكثر في شنطه او جزمه هذا من السفه وقلة العقل قالت لا احطها واحط اكثر منها واجاري مجتمعي وبعدها عرفت اني اناقش صغار عقول وسكتت ومن امس ضايق خاطري من بعض الناس ونظرته المحدوده للحياه نكدوا علي الجلسه قلت ليتني مارحت ولاشفت وجيههم