دخلني زوجي علي شقة مستعملة ..كيف انسي

بما ان زوجك تمدحينه وماهو مقصر باللي يقدر يعني العين بصيره واليد قصيره الشكوى لله
مدو رجولكم على قد لحافكم واذا انت ماقدرتي ضروفه مين اللي بيقدره هذا زوجك ولاعليك
من احد ولا تطالعين الناس وبيفرجها ربي ان شاء الله وموفقه يارب

عزيزتي لاتهتمين ابد
ولاتحبسي نفسك في دائرة هم عفا عليه الزمن وتروحي عليك ايام من المفترض اتعيشيها باروع مايكون
محسوبتك تزوجت مع اهل زوجها حتى غرفة نوم ماحصلت تزوجنا بسريره ودولابه بس لاغيره ولاسواه والله على ما اقول شهيد وتحملت وصبرت على سوالف الناس وعيارهم لي وعطيتهم الاذن الصمخه لكلامهم وتلميحاتهم وحاولت اعيش احلى ايام مع زوجي بعد سنتين من زواجنا بنى لي احلى شقه في بيتهم واثثها باحسن اثاث نتيجة صبري ومراعاة لظروف زوجي الله يحفظه
فنصيحه لك لاتهتمي في شي صار وراح واليوم جددتي الشقه بكرة يكون عندك بيت ملك لان دوام الحال من المحال
والله يعوضك خير اختي

استغفري ربك هذي وساوس شيطان وتذكري الفقراء كيف عايشين تحت الشمس في الحر وتحت الثلج في الشتاء
تبين تعيشين مبسوطه وراضيه قارني نفسك باللي تحتك وأحمدي الله على النعمه اللي انتي عايشه فيها
ولاتقارنين نفسك باللي فوقك ماراح تلقين الاضيقة الصدر وصخط من قضاء الله وقدره ....
ودايم يقولون اللي يطالع فوق تنكسر رقبته......
خلاص غيرتي اثاث البيت صح والمطبخ خليه بعدين وترا الدنيا زايله وكنب وفرشه جديده مهي موسعه قبرك ولا مدخلتك الجنه
أتمنى كلامي مايصير ثقيل على نفسك انا ابي لك الخير صدقيني
الله يسعدك ويهنيك ويقضي قرضكم.. .دمتي مع حبي ...

والله ياقلبي الشي راح راح لاتقعدين تفكرين فيه لانه بيجيب لك عوار راس وبس

اختي كلن وله رزقه فلا تقارنين نفسك بغيرك و الله بتتعبين و يضيق صدرك

الاخوات نفسهم يفترقون هذي تاخذ رجال ثري و الأخرى عدم و كلن له رزقه و كفى بنعمة الإسلام نعمة

المهم إن زوجك طيب و مقدرك فهذي نعمة كافية لسعة صدرك ربي يديم عليك النعم


و شوفي وجهة نظري إن أهلك زوجك أحرار في تجديد عفش بيتهم و غير ملزومين أن يحطوا لزوجة ولدهم مثل ما يحطون في بيتهم

خلاص زوجوه هو يكمل المشوار كغيره من الشباب يسعى و يجد لإجل حياة افضل إن شاء الله

اختي لا تقارني نفسك بغيرك تتعبين و الله و مو معقولة كلما تزوج قريب لك يضيق صدرك بالمقارنات وسعي صدرك و تذكري الخير اللي عندك و غيرك محروم منه

اخيرا : ارجو ألا تضغطي على زوجك فيتهاون في مسألة القروض البنكية لإن المال الحرام ما فيه بركة ابدا فالافضل سؤال المشايخ قبل التورط في هالقروض

ادعو الله ان يشرح صدرك و يوسع رزقك و يرضي قلبك