دخلو وتعرفون السالفه

حبيبتي ... ليلة ... انتي حامل ؟ هذا اول سؤال ... السؤال الثاني هل شافت حد عمل هذا التصرف جدامها ... هل تجد تجاهل من قبلج او من المحيط اللي حوالينها


اذا كنت حامل ... فهذه ردة فعل طبيعية ،،، واذا كنت ما تدرين فروحي تأكدي ،،، واذا كانت شافت حد جدامها فهي لازم اتعرف ان اللي عملته هذا غلط ... فحاولي معاها باللين اولا ... قبل الشدة ... اذا كانت تجد تجاهل منج فهذا اسلوب لجلب الانتباه .... وعطيها تمر ... لان التمر يهدي الاعصاب ... اذا كنتي في الكويت ... فاستشيري د. خضر بارون ... هو شاطر مع الاطفال

مشكوره عزيزتي khuload ويعطيك الف عافيه على الرد بس انا موحامل ومتأكده من هالشي وبنتي تبقاني احمل
فعلا هذي التصرفات ماتصدر منها الا اذا شافت احد انا كنت اعاملها باللين في البدايه وبالعكس انا متاجاهلها والى الان احاول معها با للين بس اذا طلعت من طوري اشد معها وانا يالغاليه مو في الكويت انا من السعوديه وياليت الي تعرف ايميل الدكتور ترسله لي

احيانا اللين الزايد يولد عنف ... هل حاولتي اتعاقبينها بسي هي تبغيه ... ..
يعني بنتي حاولت مرتين تضرب اخوها ... قلت لها اذا تعملين كذا انا اطلعج برا .. ما خافت ... لكن لما كررتها وشافت اني عملت تهديدي وطلعتها في حوش البيت لوحدها ... ( طبعاً كنت اطل عليها من دريشة المطبخ ... من بعيد علشان ما تحس هههههههههه ) قالت خلاص ما راح اعيدها مرة ثانية ...

ونفس الشي بالنسبة للحفايظ ... كانت تعملها على نفسها ... ولما هددتها بنفس التهديد وقلت لها خلاص ما اوديج الالعاب ولا حديقة الحيوان ... ( ويوم من الايام ما وديتها ) ... هذا كان اخر خبري فيها ... انها تعملها على حالها ... ... او اقولها خلاص انا زعلانة ولاتبوسيني ... وانا ما راح ابوسج ... احبج بس ما راح ابوسج ... هي تزعل ... ( بنتي حساسه حيل ... علشان كذا )

كل هذا سويته بس مافي فايده احس بنتي مو نافع معها شي ياربي مادري ايش اسوي معها

الله يهديها ياربي