دخليكن يا حريم يا خبيرات بالعوايل

السلام عليكم و رحمة الله و بركاته

كيفكم بنات و حريم ؟؟

انا عندي مشاكل مع عايلتي و قلت مالي غير الله و ثم انتم و مالي غيركم

مشاكلي ماعندي اخوات و العايلة كلها ضدي و ما يحبون عيالي و لا زوجي حتى اخواته ماخذين منه موقف و الكل يشوفني شايفة نفسي و ما احب اجي بيت اهل زوجي مع اني اذا جيت الكل يتشائم مني و يفكروني احسدهم و احس بنظرات الكره و الحسد و الحقد و الغيرة و كل شوي يسئلوني بتروحين او بعدك ؟؟ و يعاملوني بنبذ و ينبذون عيالي و ما يحبون عيالي يكونون افضل و اضطر ما اكشخ بناتي و اولادي علشان ارضيهم و المشكلة ما يرضون علي و يغارون لما يشوفوني اجلس و اتكلم مع احد غيرهم و هم ما يعطوني وجه و يطلعون عني اشاعات في العايلة كلها و الحين اذا فيه عزومة الكل يتجنب الجلوس عندي و الكل ماخذ عني فكرة اني حاسدة و اسوي سحر و انا و الله ثم و الله بريئة من هالشي و بريئة من السحر و الحسد و الغرور و المشكلة الكل ما يبي قربي و نفس الشي بناتي تخيلو ماحد طق باب بناتي و السبة اشاعات مالها اساس من الصحة و انا احس اني وحيدة و ما احد واقف معي و الكل ضدي و يتكلم علي و هذي فئة ظالمة عائلتي و لا احد طيب فيهم كلهم ضدي و الكل خايف لا يجلس عندي علشان لا اخطف اولادهم لبناتي و كاني مرة قاطة بناتي عليهم و صارو بناتي عوانس يعني اعيش وسط ناس مرضى و حياتي صارت حجيم خصوصا لما افكر بكلامهم عني و انا وحيدة و زوجي ما يسمع لي و لا يحس فيني و حالتي صعبة ما اعرف وش الحل ؟؟ هذا الظلم اللي يسوونه فيني ؟؟ اشاعات مالها اساس من الصحة و الكل يشوفني بعبع و انا مسكينة و لا عندي احد و الكل يتحاشاني و كانه فيني جرب و العياذ بالله المشكلة انه ما اتكلم عليهم و ساكتة لو انا اتكلم وش يسوون فيني عند الناس كان بان من الصح و من الغلط لكن انا متعودة ع الصمت و السكوت ما اعرف الغيبة و النميمة و المشكلة الاكبر انه اي كلمة بريئة او بعفوية اطلعها تتؤول و تنقلب ضدي و تنتشر بالعائلة اكملها و لا اقدر ابوح بسري لاي احد بالعائلة و مو عارفة احل مشكلتي او ما افكر فيهم و مادري وش الحل معهم حرام هالظلم صار لي عشر سنوات بهالطريقة و الله وحدة يعرف بمعاناتي و مادري شلون الوضع مو متحملة نفسي بالمرة

انصحوني وش اسوي وش الحل ؟؟ ساعدوني انا حسبت اختكم في الله