تسلمي على كلامك القيم و***** الله يكون في موازين اعمالك

تسلمين يالغاليه
امس بس مريت بموقف مشابه وحبيت اوضح للخوات بس خبرج مب اي حد يكتب
انا من النوع الي اشدد على دراسه ولدي وااايد بس ما احل معاه اي شي
هو يحل بروح بس عقدتي التحفيظ
ينقطع قلبي على قصيده او اوراق مراجعه
امس اراجعله شرعيه
اسال واجاوب نفسي يردد كنه ببغاء ماركز معاي بس يردد
عورني قلبي والله صدق حسيت بكتمه
مرت ساعتين ونحن في 6 اسئله اسال واجاوب وهو يردد
عصبت قتله تعرف تقرا؟
قال ايه طبعا!!!
قتله عندك الورقه هذي ابيك تحفظ الاجوبه ومتا ماخلصت تعال اسمعلك
اول مره اخليه من الالف للياء يعتمد على نفسه
ساعه الا ربع وجاني
وماشالله اساله ويجاوبني
صح غلط واجد
بس تفاجات انه عنده القدره بس نحن نغلفهم بخوفنا السلبي
وراح اعتمد هالطريقه في كل المواد للحفظ
والله يعينا على تربيتهم
وقتله كلمه اول مره يسمعها مني امس
عجبتني لانك حفظت بروحك وعادي لو ماجبت امتياز الانك بذلت مجهود يغنيني عن الف امتياز
شفت عينه تبرق وقالي لا ****لله بجيب 10 من 10 يا ماما>>>مع انه قبل اذا يبي يقهرني يقولي ****لله ماجيب علامه كامله

السلام عليكم و رحمة الله و بركاته:

تصدقين كأنك توصفين حالتي مع ولدي الله يهديه بس..

و الله أحيانا أمسك القلم و أحل له من كثر ما يطفشني...

وكنت ناوية أحط له مدرس و أريح راسي ، بس لما قريت كلامك خلاص هونت..

معك حق..

و انا متأكدة من هالشيء ، بس وين قوة القلب ؟؟؟

و الله زي ما تقولين كأنه أنا اللي بروح المدرسة ، وهو لا هامه..

واذا سويت نفسي قوية ، وقلت خلاص ما علي منك ، انت اللي لازم تعتمد على نفسك..

ينبسط و يقول : ايوههه انتي ريحي نفسك و انا بذاكر لحالي ..

و يقوم ينطط لي ويلعب..


بس ما أصبر أعصب عليه ، أرجعه الغرفة و نبدأ دوامة جديدة من المذاكرة...


الله يهديه بس


مشكورة حبيبتي على موضوعك الحلو زيك...

جزاك الله خير على الموضوع

لافض فوك كلامك عين العقل وانا اجاهد نفسي عشان اطبقه مع ابنائي