دخل التاسع وبدا الرعب

25 وحده دخلو ولاردوا ليش طيب ارفعوا الموضوع ولو بدعوه:)

يختي هونيها وبتهون

دايما خلي تخيلاتك بالبيبي وفرحتك لما تشوفينه
واذا حسيتي نفسك خفتي وقعدتي تفكرين في الولاده ومتاعبها فكري في الملايين غيرك اللي كل يوم يولدون ولا يصير لهم شي هي كم ساعه وتعدي وبنفس الوقت دايما احضني ملابس الطفل وشمي ريحتها وتخيليه بين يدينك وفي سريره وفرحتك لما يحطونه على صدرك صدقيني بتنسين كل هالافكار

شكلك بكريه وهاي نعمه لان البكريه تكون على عماها ولكن لازم تثقفين نفسك عدل وتعرفين كل مرحله في الولاده انتي بشو تمرين والبيبي شو قاعد يسوي هالشي يهون عليك الولاده كلها وان انت والبيبي في صراع عشان يطلع بالسلامه وصبرك وتنفسك الصحيح ولما تتخيلين راسه يدز يبي يطلع في كل تقلص صدقيني يهون كل الالم
والحمدلله اللحين كل شي متوفر ابرة ظهر ابرة عضل كمام اكسجين مخدر كل شي الله يجزي جداتنا خير كانت الوحده تولد بدون اي مساعده :)

مشكوره اختي غرشوب
ايه بكر مدري وش السالفه:06:

هلا والله
والله ياطويلة العمر انا اخس منك بديت اعد عد تنازلي والله يستر والله انا اشيل هم اي شي تخيلي وانتي بكرامه اذا دخلت الحمام اشك باي شي وتبداء الهلوسه الله يستر بس ربي يهوننا علينا يارب ويقومنا بالسلامه يارب

انا عكسكم
انتظر التاسع على احر من الجمر

باقي لي اسبوع عليه والله يجيبه بدون تعب
لاني في الثامن تعبت انواع تعب مختلفة من بواسير وحلقي متجرح وكحه وبلغم وانتم بكرامة
فالتاسع ان شاء الله انه بيكون راحة اكثر من الثامن

غير الاحلام اللي مالها اول ولا آخر
كل ماغفيت جتني الحلوم اللي مالها معنى
بس تنكد علي نومتي <---- من زين هالنومة عاد
كل شوي مدري وين احط كرشتي فيه!!


تحيتي’’