دخل بييننا الشيطان انا وزوجي وقالي شيلي عفشك وروحي لاهلك

الأسرة والمجتمع

السلام عليكم
ماكنت بكتب موضوعي بس من البارح مصدومه وبس افكر وجالسة مكاني ماتحركت ولا نمت احس بيصير لي شي انا ي بنات حامل وعندي طفل صغير وادرس بالكليه وزوجي تزوجني عن حب اقولها بكل اسف اي عن حب بس راح كل ذا الحب زوجي سمعته حلوه واهلي يحبونه وهو يحبهم ويقدرهم وكريم ومراعيني في امور كثيره بس انه كثير عناد
انا طيبه وع نياتي لابعد الحدود بس عصصصصصصصبيه بدرجه فضيعه واي كلمة تنرفزني وما عرف اسكت اتكلم وقت الغضب وبعدين اندم
اللي ابغى اقولة المشكلة الاي صارت بيننا البارح واتمنى تدعون لي ربي يفرج همي وتشورون علي بالحل الصح وكل وحدة تقولي لو هي مكاني وش تسوي
انا وزوجي لنا اسبوع من كلم بعض او كلمة ورد غطاها مافية سبب معين بس كذا تراكم مشاكل وهو.ماعنده مشكلة لو يطنشني سنه
المهم رحت لاهلي البارح مع اخوي ودقيت قبل استاذنت منه قالي طيب
لمارحت عرفت ان ابوي تعبان **** يشفيه طبعا تعبان نفسيا هو له فتره بس ماقالو لي عشان مايشغلون بالي وزوجي بعد مايدري
جلست عند اهلي الى الساعه 8 تقريبا دق زوجي وقال انا برا اطلعي لي وكان يضحك ويسولف عكس التطنيش الاي صاير له اسبوع ويقولي وش تبغين عشاء وبجيب لك تشيز كيك لانه عارف اني احبة هذا كله بالجوال
طلعت معه وصلنا البيت نسةلف عادي مدري وش صار بيننا نقاش حتى والله اني ماتذكره قام عصب وزعل وانا بعد عصبت وغلط علي وغلطت عليه ويقولي لاترفعين صوتك اصصصص وجوالي كان فيدي قام شال جوالي ورماه ع السرير وطلع
يعني صاير مايتفاهم مره اي نقاش يقلبة علي ويعصب
بعد ماخرج بشوي ارسلت له انا اسفه لو غلطت عليك.مارد
ودقيت مارد
شوي وجاء ورجع يتكلم ويخاصم وقال اذا انا ماني عاجبك شيلي عفشك وروحي عند ابوك لية تجين الحين وقالي كلام كبير وجارح قالي انتي مقصرة معاي انا كني عزابي وانا ماني مرتاح معاك
والله لو رجعنا تخاصمنا مره ثانيه لاوصلها لشي مايعجبك لاتقولين ماتقدر ي فلان لانك تحبني لا اقدر صح بتحسف عليك بس ولا التعب ذا الاي معاك
وكلام كبير ي بنات عجز قلبي لايتحمله في رجال يقول ذا الكلام وهو.باقي يبغى زوجته والله مستحيل
انا ماحس اني مقصره معه بشي بالعكس متحملته ومتحملة فقرة ولما اساله وقت الرضاء راضي عني يقولي اكيد حبيبتي
مرتاح معي يقولي اكيد
اقوله انا مقصره فشي يقولي لا بالعكس وحتى لة جاء اليوم الي قصرتي فيه بتحملك شايفين كيف! !!
وربي كلامه ذا مازودت ولا حرف
المهم بعد الاسطوانه العريضة هذي انا سسسساكته مافتحت فمي طلع هو
قمت ارسلت له ابوي تعبان وانت زدتني وانا محتاجه لك
تقولي اطلعي من بيتي بطرده ومقدر مو عشاني انا مالي كرامه بس عشان مقهر ابوي اكثر
وقلت له خذ راحتك بالسب والشتم والطرد انا ماوراي احد

تعبت وربي تعبت احسه يتمنى روحتي وانا مبغى ازيد تعب امي وابوي
عادي زوجك يقولك روحي وماتروحين ؟؟
مع انه فوقت الرضاء يقولي هذا بيتك انتي الداخله وانا الطالع بس سبحان الله كله طلع كلام
رجع بعد نص ساعه يمكن وجاب لي عشاء وكان هادي مره
قالي شفيك زعلانه قلت لا عادي
وبكيت قالي خلاص لاعاد تبكين وقرب مني باسني وراح ينام جاب لي الجنان مافهههههههمته ولا سالني عن ابوي هو مره يعز ابوي
حتى لما كان يخاصم يقولي الحشمه ماهي لك لابوك وامك
اتمممممممممنى تنصحوني

وفية كلمة منه تقهرني يقولي لية الناس كلها مرتاحه الا انا وش اسوي تعبت وااحس اني خلاص خسرته
ولا اكلم اخوي واروح وارسله بعد ماروح
33
17K

يلزم عليك تسجيل الدخول أولًا لكتابة تعليق.

تسجيل دخول

- ELHAM -
- ELHAM -
عين العقل انك ما رحتي ، تصرف جميل وعقلاني منك

لكن ركزي بكلمته هذي



شوفي مرررة مهم وباي علاقة زوجية يكون في صراحة وفهم
لكل طرف ولا ما تمشي هالعلاقة وتنهار على اول ظرف ..

قولي له وش الي بالضبط مو مريحك ؟ قل لي وانا اكيد بحرص على راحتك
رفض يجاوب الحي عليه بذوق واسلوب (عشان يفهم من الحاحك حرصك انك حريصة)
وبيعلمك باذن الله ووارد جدا هو بعد يسالك وش الي مو مريحك فيه
ام رورو الحلو
ام رورو الحلو
يابنت الناس 
انتي قلتي انك عصبيه والعصبيه تدمر بيوت
لازم تتحملين وتمسكين اعصابك 
ولاتنسين وصايا النبي صلى الله عليه وسلم
اذا عصبتي
غير وضعك
توضي
استغفري
زوجك لاتخسرينه وانتي اعلم بحبه لك فعلا قد يكون فيه شي فقلبه قاهره وانتي تزيدنه
والبنت مو كل يوم تلقى زوج
اما عن تغيره معاك وكلامه

هذي عشان لك كم سنه متزوجه بعدها راح تتفهمون بعض اكثر وتتعودون على بعض
بس انصحك حافظي على بيتك بسورة البقره الاستغفار الصلاه ف وقتها 
الله يبعد عنا وعنكم الشر
صديقه عيوش
صديقه عيوش
الشي الاي مو.مريحه يقول ماتهتمين فيني ولا اسمع منك كلمه حلوه هذا قاله فالزعل اما بالرضاء يطلعني انسانه كامله مكمله
خيآآل
خيآآل
ياحبيبتي الرجال لعصب عصب حتى لو يحبك اكيد بوقت الغضب بيقولك اي كلام
لومو من قلبه
مبين انه يحبك ويحترمك لكن انتي عصبيه وماتتحملين وتتنرفزي بسرعه
واكبر غلط انك تردي عليه
صدقيني لو هو غلط عليك او صارخ او زعلك وسكتي وطنشتيه وزعلتي منه ورحتي لاي غرفه
راح يلاحقك ويحس بذنبه ومايكرر الغلط لانه مالقي منك غلط علشان يغلط
لكن لمن تردي عليه ويحتد النقاش اكيد بيقووووول اي شي
والدليل انه يندم ويرجع لك
وانتي راجعي حسابتك ليش قالك كاني عزابي
صدقيني فييه شي ناقصه انتي مانتي عرفته
وانتي الحين قلتلك لاتردي عليه لمن يعصب
ولو غلط عليك اسكتي لين يهدى ثم ناقشيه بهالامر
ولازم تصارحينه وتشوفي ايش قصرت معك وليه حاس نفسك عزابي
ولاتروحين بيت ابوك ولاشي لمن تزعلي
يكفي اهلك
ودائم استغفري وادعي
والله يوفقك
شمس مول *
شمس مول *
طنشي وخففي عصبية
استغفري وشغلي سورة البقرة بالبيت