دخل علي زوجي وانا؟!!!

السلام عليكم
قبل شوي زوجي راح ينام
قال اصحيه على اذان المغرب
نزلت للمطبخ وفيني طبع اذا موضوع مشغل بالي ولا موترني افكر بصوت عالي يعني اتكلم مع نفسي
هذا الشي طبيعي وسألت عنه دكتوره تقول افكار بصوت عالي زي اللي يفكر بينه وبين نفسه بس انا اذا ماشفت احد والاجواء هاديه قمت اتمتم بيني وبين نفسي وهاالطبع مو زين احس لو بيطب علي احد فجئه بيقول وش ذا المجنونه زي قبل شوي دخل علي زوجي قال وش تسولفين انتي مهبوله انا من الصدمه ههههههه قلت ايه ايييه عادي اسولف مع نفسي وش عندك ؟؟ لو عندي رجل يسمع لي ما احتجت نفسي اسولف معها وبعدين ليش تتصنت تغديت فيه قبل يتعشى فيني ههههههه
طالعني من فوق التحت وقال الحمدالله والشكر وشرب ماء وراح يكمل نومته هههههههه
وانا انحرجت مرره ياخزياه وش بيقول عني ولد الناس ورب الكعبه تفشلت فشيله المشكله هو عادي طلع الغرفته بكل برود ماسمعت منه الا الحمدالله وشكر
ليته تكلم سأل اخذ وعطى بس صمته هذا احرجني زود