السلام عليكم ورحمة الله....

اخواتي والله اني ممتنه وشاكره لكم تجاوبكم مع مشكلة جارتي واكيد كل ردودكم بتقراها...

لكن حبيت اوضح بعض النقاط....

بخصوص انها تتكلم معه اوتجلس معه...لاء هالشي مستحيل يصير....
هالبنت من اسره محافظه لدرجة التشدد....عيال عمها واللي هم عيال عمها مابينها وبينهم حتى كلمة السلام عليكم....وهالرجال صحيح قريب زوجها....لكن عمرها ما قعدت معه او كشفت عليه....وحتى ما يعرفها قبل ما تتغطى...

بخصوص اشلون تنام وباب غرفتها مفتوح....هي لها قسم خاص...وهم ينامون في قسم الرجال يعني بعيد عنها...صعب تقفل الباب اللي يربطهم بالمطبخ يمكن الحرمه تحتاج شي من المطبخ لولدها....وهو مستحيل يدخل داخل البيت....تقول اول ما تزوجت كنت احرص اقفل غرفتي لكن مع الوقت حسيت اني اثق انه هالرجل مستحيل يدخل البيت....لهم اكثر من ثلاث سنين وزيارتهم دائمه....

والحقير مامعه اي مفتاح لبيتها....

نجي للحلول...
هي فكرت تصارح زوجها....
لكن لاتنسون انها بنت خالها واخت زوجها....لو فرضا تمالك زوجها اعصابه وهالش مستحيل لانه عصبي....لكن نقول لو ...اول شي اكيد مارح يرضى انه اخته تعيش مع انسان بهالوساخه....
تتطلق اخته وهي ام لطفل والثاني في الطريق....الجرح اللي بيصيب الزوجه في مقتل...
يعني تشتت اسره....
غير السمعه اللي بتطلع ...
لو ماهيب راضيه ماتجراء يدخل غرفتها....ولو زوجته مهيب مقصره ما دور غيرها...

يااخواتي كلام الناس مايرحم...

ومهما تكتموا على الموضوع لازم يظهر....

الحل الثاني : انها تكلمه وتحذره...لو سوت هالشي هي بتعينه على الشر....
هي انسانه خجوله وممكن ترتبك وبدل ماتكلمه بحزم تصيح في التلفون
وما تقدر توصل له تهديدها وتسكر التلفون قبل ما توصل رسالتها.... و يدق على تلفونها(ولو انه مارح يستغرب منه هالشي)وبعدين لا تنسون انه لما دخل غرفتها قالها اسمعيني عساه بالمرض ان شاء الله..... هالحل مش في صالحها...

يعني ان سكتت وكتمت همها بقلبها تخاف كل شي ينقلب على راسها وان صارحت زوجها تكون ردة فعله متهوره....وينهدم بيتها وبيت صديقتها اللي والله انها ما تستاهل تعيش مع انسان منحط وسافل ....

لكن جارتي عندها اخ....من كلامها هو انسان حكيم ومهوب متهور....انا قلت لها تصارحه بكل شي وهو يتصرف مع هالوسخ ...

اشرايكم في هالحل......

والله يا اختي إذا أخوها متفهم عين العقل لأنه في هالأمور وايد بترتاح لتدخل ريال
وأنا جداً كنت ضد تدخل زوجها، بس تتأكد قبل تفاتح أخوها على أساس انها مب هي
وتسمع وش ردة فعل الرجال يا اختي ما يرضون خص في شي له في الشرف
ولو النذل هذا بعيد ماعليه نقول يستاهل كل اللي ممكن يصير له المشكلة انه زوجها
وأخته وهي مرتبطين في الموضوع.

والله يفك لها من هالبلوه وتعدي على خير

الحل السكوت وهي بطريقتها وقفته عن حده.
لأن زوجها أكيد بيتهور وبتتعقد المشكله أكثر وزوجته مسكينه أكيد بتنصدم..

لا اختى تدرين انا اقول لاتعلم لا اخوها ولا زوجها احسن خليه كل مايشوفهم تاخذه الافكار وتوديه وياكله قلبه وبعدين قولى لزوجك مانبيهم يجونا يااخى الدنيا ماهى مثل اول والناس تنقد علينا ومن هالحكى لاعاد تخلين هالخسيس يطب البيت ترا بيتعودها

انا من رايي تقول حق اخوها و لا تفكر تسكت

ترا هذا يفكر يزني وياها والصراحة هالوضع يخوف

لازم يعرف ان وراها رياييل و ان الموضوع حيل كبيير ما ينفع اهي تكلمه لازم ريااااااااااال