لحن..♡ @lhn_21

عضوة جديدة

دخيلتكم ولدي عطوني حل معاه الله لايحرمها من تحب اللي تدخل

بدخل بالموضوع على طول والله تعبت هذي 3 مره اعيد الموضوع ينمسح واعيده

ولدي عمره سنه وزنه 7 كيلونحيف مره واللي يشوفه يعطيه 7 شهور ومايجلس ولا يحبي ولا يمشي ولا طلعت له اسنان يتقلب بس من عمره 4 شهور
ماخليت فيتامين ماعطيته ولا مكمل غذائي بدياشور زيت كبدة الحوت وفيتامين دال وشراب كاليسيوم وشراب فروز واكله جيد اكله كل شي تعبت معاه ماخليت مستشفى سويت له جميع التحاليل والاشعه الازمه والحين سويت له رنين المغناطسي بس لسى ماظهرت نتايجها مسكين تعب كل ماشاف مستشفى بكا ياخواتي عقدته ابي اعرف علته محد فادني والدكاتره كل ماوديته قطعوه بذا الاشعه والتحاليل
ولا فادوني الحين اسوي له تمارين طبيعيه واحسها بدت تفيده بس ببطى
ابغاه يجلس بس كل ماشاف اخوه يلعب يبكي يبغا يقوم معه والله اني ابكي كل يوم عليه تصلخ ظهره من كثر ماهو منسدح هو ذكي مره ويشوف ويسمع يعني حواسه سليمه جدآ بس مدري وش علته
تكفون ابي طبيبه شعبيه ثقه وشاطره لا تخلوني رجيتكم
وادعو له تكفون الله يبشرني بسلامته

يلزم عليك تسجيل الدخول أولًا لكتابة تعليق.

تسجيل دخول

لحن..♡ • 10 سنوات

21 مشاهده ولا رد حتى الدعاء مو قادرين تدعون اللهم ياكافي

هيل وقهوه*** • 10 سنوات

الله يشفيه ويعافيه .. بعض الاطفال مثل حاله ابنك استمرو على العلاج الطبيعي ونفع معاهم استمري عليه والله ينفع به

رايقه لحالي • 10 سنوات

من جد اذا مستشفى ما فادوك وديه معالججه شعبيه بس استعجلي على ولدك لان وضعه ياعسل ابدا مو طبيعي .......انتي باي مدينه عشان ندلك على معالجه .....

llooolly • 10 سنوات

الله يطمنك عليه .. وتشوفيه ينطنط قدامك
نفس حالة بنت خالي وخلوهاا براحتهاا ماستعجلوا عليهاا والحمدلله قريب السنه و8 اشهر سارت تتحرك وتمشي

mari وبس • 10 سنوات

يمكن عنده نقص فتامين
اذا استخدمتي العلاج لازم كورس كامل ثلاث اشهر بعدين تبان النتيجه يعني مو تعطيه علاج اسبوع وتقولين ماتحسن وتتركينه
انا عندي بنت من جبتها وهي جلد على عضم والي يشوفها بعطيها اصغر من عمرها وقعدت سبع شهور وهي ماتقدر توقف رجلها لدرجه كل من شافها قال اكيد معوقه بس الدكاتره يقولو طبيعي ولا يعطوني علاج لها وبعدين وديتها مشفى خاص واعطوها زيت كبد الحوت وبعدها بشهر بدت تتحسن ومامشت الا بعد سنه وثلاث اشهر واسنانها طلعت على سنه