دخيلكم قولولي ايش أسوي فين أروح وايش مصير عيالي ؟؟؟

ياربي ترحمني برحمتك التي وسعت كل شئ .. يا بنات الله يسعدكم ويوفقكم قولولي ايش اسوي يا ناس تعبت من زوجي ونكده وعصبيته ومشاكله تعبني هدلي حيلي ماعدت قادره أتحمله لا هو ولا أمه ومشاكلها وتدخلها في حياتي وتحريض ولدها علي . والا ابنه عمره عشر سنوات الي عايش عندي ومنكد عيشتي والله العظيم اني صبرت عليهم صبر الجبال حتى الجبال والله ما تتحمل الي انا فيه .. يطول الشرح والله العظيم لو أبغى أحكيلكم عن مشكله واحده من مشاكلي معاهم لأخذ كل صفحات المنتدى وأنا لسه ما خلصت كلام . عندي منه ولد وبنت بعدهم صغار وبحاجه لي والله العظيم ان قلبي يتقطع عليهم كل ما أفكر اني أطلب الطلاق عشان أرتاح منه ومن مشاكله وقرفه وتحكماته وعصبيته والهم الي معيشني فيه وتسلط أمه وولده علي وعلى عيالي .. أقول طيب وعيالي ويش مصيرهم ؟؟ ايش ذنبهم أتركهم يتعذبوا مع أب زي هذا وجده معقده ظالمه زي هذه .
يالله . يا بنات والله العظيم اني ندمانه ندمانه ندمانه على هذا الزواج ندمانه اني ما اتطلقت من أول قبل لا أجيب عيال ندمانه اني سمعت نصيحه الناس الي تقولك خلاص هذا نصيبك ارضي واسكتي واحمدي ربك . والي تقولك اصبري بكره راح يتغير . والله انها كلها خدع وأكاذيب ما في أأحد يتغير ومافي أحد يرحمك الا الله عز وجل ثم الانسان نفسه ما أحد يعرف مصلحتك زيك انتي . والله لا تقوليلي هذه أكبر مني ولا تقوليلي هذه تفهم أكثر مني .
يعني خلاص معقوله انقطعت ...مافي حل ...اما اني أكمل حياتي بهذا الجحيم أو اني أنحرم من عيالي ؟؟ خلاص ما في طريق ثاني ممكن تفرج علي منه .
قولوا أمين الله لا يوفق كل من ورطني مع هذاالانسان وربطني فيه ...قولوا أمين الله لا يكتبلي أكمل حياتي معاه ولا يكتبلي أنحرم من عيالي .... قولوا أمين يارب يارب يارب قبل لا يجي العيد يا يكون ربي أخذ عمري وريحني منه . او يكون ربي أخذ عمره وفكني منه وأنا اخذ عيالي وأسافر عند أهلي الي صارلي سنين محرومه منهم عشانه . قولو أمين لعلها ساعة اجابه يابنات .. قولوأمين ان الله يرحمني ويخليني على ألأقل أقدر أبكي عشان أرتاح شوي أحس في نار في صدري ماني قادره أطفيها الا بالدموع ودموعي خلاص جفت من كثرما بكيت ومن كثر ما شكيت . أنا ماني قاعده أكتبلكم عشان أبغى حل ..لا والله أنا عارفه انه مشكلتي مالها حل بس كتبتلكم لعدة أسباب السبب الأول عشان تأمنوا دعائي والسبب الثاني عشان اقول لكل البنات الي كاتبين في المنتدى انهم يريدون الزواج والي تدعي والي تشكي والي تدور على خطابه عشان تجبلها عريس والي حاسه انها في كارثه لأنا تعدت الثلاثين وهي بعد ما تزوجت أبغى اقولهم ياريتني مكان وحده فيكم والله لا يقدر وان وحده منهم تكون مكاني والله العظيم انكم في نعمه أحسدكم عليها
حسبي الله ونعم الوكي ..حسبي الله ونعم الوكي