دخيلك لاتخليني..

للشوق قدره على صياغه اللهفه في ابيات شعريه
اجبرني هو على صياغه هذه الابيات علها
تصل لقلب من اشتقت اليه..


.
.
.

قسم بالي عطاني الموهبه والحسن والادراك
...............وجابك ترسم البسمه لثغر (ن) ذبلت شفاته
لا اكتب لك قصايد شوق تردك لي هنا والقاك
..................وانثر حبري الغالي لجل يكتب لك ابياته
حبيبي يابعد روحي وش الدنيا عقب فرقاك
...................تعال القلب محتاجك يبيك تلملم شتاته
ابي بهمي تخاويني وبا افراحي بعد ابغاك
..................ابي قلبي بدفا صدرك تعود ايام ضحكاته
ابي مزحك وابي جدك وابي عتابك وحلاه رضاك
.................ابي منك شعاع النور بضيق الكون وظلماته
دخيلك لاتخليني امووت بشوقي من فرقاك
..................ترا هاالشوق مايرحم وطبع الناس شماته
تعال ارجوك ياغالي وانا كلي رهن يمناك
...................فداك عمري وايامه ولحظاته وساعاته
فديتك ياهنا طفله بدونك مامعاها ادراك
.................فديتك يافرح قلبــ(ن)حزين وكل ابتساماته

.
.


بقلمي..

مع خالص ودي