السلام عليكم
عضوات عالم حواء العزيزات ودي أسئلكم بعد عن الماجستير
في وحدة متخرجة من كلية التربية الأدبيةقسم دراسات إسلامية عام 1417هـ بتقدير جيد جدأ في الرياض وتوها تدور على وظيفة ما لقيت غير الأهلية ما عجبتها ودها تكمل دراسات عليا هل ممكن يقبلونها بعد هذي السنين ولا لآ وهل شروطهم صعبه
وهل الدراسة صعبة
أرجوكم اللي عندها معلومات ترد علي
أو اللي مجربة الدراسة ترد ولها جزيل الشكر
وهل ينفع في كلية غير اللي متخرجة منها
لا أنسى أقولكم أني لقيت في الجريدة إعلان اللي تبغى تكمل دراسات في كلية خدمة المجتمع وتقديرهاجيد جدأ التسجيل هذي الأيام
وآآآآآآآآآآآآآسفة على الإطالة
تكفون لا تنسوني

اختي ريسيل
انا حملت مواد وعدت سنه
يعني فترة دراستي بالكلية حووووسه
بس تخرجت بتقدير جيد جدا

يصير اقدم على الدراسات العليا
لأني بصراحه مابي اتعب على الفاضي

ياليت والله تحطينه لنا عشان نستفيد
واذا عندك رقم العمادة ياليت ترسلينه لي

بس يابنات يعني لو بغيت اقدم مرة ثانية في جامعة الملك فيصل لازم اجيب لي توصيات من جديد لان التوصيات لازم يقفونهاااااااااا وتكون في ظرف مختوم من الكلية يعني ما اقدر اصورها :(

وش اسوي يا بنات :(:( :44:

مشكوره حبيبتي رسيل ابي احاول ارسلها لاهلي علشان يصدقونها لي .,

دفء المشاعر..
لازم تختارين قسم واحد بس..
مثلاً.. كلية التربية..قسم علم النفس.. ثم تختارين 3 تخصصات أوأقل مثل:علم النفس الإرشادي،علم النفس التربوي والنمو.. وما أدري إيش فيه تخصصات ثانية..

سنوات التخرج موب مشكلة..

التقدير لازم ممتاز أو جيد جداً مع مرتبة الشرف وغير كذا الأمل ضعيف أو مستحيل.. وإذا عندكم أي خبرات أو دورات حطوها..

على فكرة للجمييييييييييييع..
السجل الأكاديمي لازم 3 نسخ أصلية..كلها أصلية .. أنا سألت وقالوا لي.. وطباعة الواحد بـ6 ريال..

وصور الوثيقة 3 كلها مصدقة.. وليست صورللتصديق.. يعني 3 صور كلها عليها ختم..

وما يصير الوحدة تقدم إلا على كلية واحدة بسسسس.. وشكلهم هالسنة متشددين بزيادة ما أدري شفيهم الله يهديهم..

والأولوية بنات جامعة الملك سعود على ما أعتقد.. فكل واحدة منكم تجرب بكليتها لأن الأولوية لها في كليتها.. وتجرب حظها هنا وهناك علشان ما يفوتها التقديم.. والله يوفق الجميع..