الحالمة التخصصات المتاحة للماجستير في قسم اللغة العربية هي:
1- الأدب والنقد
2- النحو والبلاغة

لازم يعني من جامعه الملك سعود ورقة التوصيات ؟؟
انا ماعندي فاكس خاص فيني بس بدور اي رقم فاكس قريب مني وبعطيك الرقم في اسرع وقت راجعي الرسايل الخاصة ان شاء الله اليوم وبالكثير بكرة لاني ناوية اروح الكلية الاحد ضروري وانتي اسألي لي اذا لازم الاوراق من جامعة الملك سعود او كليتنا عادي لكني راح ارسلك رقم الفاكس للتأكد عشان ما يضيع علي الوقت بين الرياض والشرقية ...

وهل لازم تخصصي ؟؟ ما يصير تخصص ثاني انا حاطه ببالي نحو او بلاغة :(

والله يجازيك خير ويقبلوك اول وحدة يارب لانك فعلا لو ما كنتي طيبة ما عطيتنااا وجه لو غيرك محد فكر يرد علينا

اخت رسيل ياليت تشرحين طريقة ترتيب الاوراق في الملف وكم ملف نحتاج:27::27:

الحالمة..
حبيبتي لازم الورقة من الجامعة..
أنا سألت وكلهم قالوا لي الأفضل إنها تكون من الجامعة وتكتبين فيها اسم التخصص اللي مقدمه عليه قبل لا يكتب لك الأستاذ التوصية عليها..

بعدين تروحين للأستاذة مباشرة.. ومعك السجل الأكاديمي وتورينها المواد اللي كنتي ماخذتها عندها.. وهي تكتب لك خلال نص ساعة بإذن الله التوصية وأحياناً إذا ربي يسر لك في دقيقتين..

بعدين تاخذين الورقة وتودينها لسكرتيرة القسم وهي تختم لك إياها.. وبس..


بالنسبة لترتيب يا خالة آرام أنا بادور لك ورقة التعليمات وأكتبها لك بالضبط بإذن الله.. وتحتاجين لـ 3 ملفات على ما أعتقد أو 2..

وبأشوف إذا قدرت أدخل لكم ورقة التوصيات بالسكنر وبعدين أحطها هنا.. ولو أنها صعبة ومو دايماً تكون واضحة ومع الطباعة يمكن تخرب لكن بأحاول إن شاء الله..

والله يوفقكم كلكم حبيباتي..

أختي العزيزة الحالمة..
أنت تربوية؟
إذا كنت تربوية فأمامك عشرات التخصصات للتقديم عليها منها(على ما أظن):

كلية الآداب:
قسم اللغة العربية: التخصصان المذكوران (النحو واللغة + الأدب والنقد)
الدراسات الاجتماعية: (خدمة اجتماعية + علم اجتماع)

كلية التربية:
قسم علم النفس: (علم النفس الإرشادي + علم النفس التربوي والنمو + علم النفس الاجتماعي)
قسم الإدارة التربوية: (إدارة تربوية)
قسم أصول التربية: (أصول التربية)
قسم المناهج وطرق التدريس: (أنواع كثيرة جداً لا أذكرها منها : طرق تدريس اللغة العربية..)
قسم الوسائل وتكنولجيا التعليم : (تقنية التعليم)

بعدين نجي لكلية العلوم الإدارية عندك :
(إدارة عامة + إدارة مستشفيات)

وما أدري إذا كنتي تقدرين تقدمين على التاريخ والجغرافيا في كلية الآداب أو لا..