دراسة الماستر في الكيمياء

هلا حبيبتي اول شي اذا جيتي بتدرسين بره وقدمتي ع البعثه مستحيل الملحقيه تسمح لك تدرسين تخصص غير تخصصك للي بالبكالوريس
طالب الماستر اذا جاه بيقدم ع البعثات لازم يكون تخصصك الماستر امتداد لتخصص البكالوريوس والا مايوافق لك .. هذا شي

ثاني شي الكيمياء كلها انقلش مافي شي اسمه عربي .. وبعدين بالنسبه للغه كلنا اول ماجينا مانعرف شي والحين والله الحمد نعرف لاجل كذا خلي ببالك هالشي انتِ اول مابتجين هنا بتدرسين لغه بعدين بتبدين بالجامعه .. وكلها سهالات مافي احد يضيع ..
بالنسبه للاوراق المطلوبه اناا افضل انك من الحين تختبرين التوفل بس قبل لاتختبرين شوفي الجامعه للي بتروحين لهاا كم تطلب توفل واذا كانت تقبل اختبار ايلتس للماستر بيكون اسهل لك من التوفل شوفي كم يبون علشان تعرفين كم الدرجه المطلوبه .. علشان اذا سويتي هالشي من السعوديه ع الاقل ع راحتك ومافي شي يضغط عليك .. لانو اذا خلصتي معهد ولاجبتي اختبار التوفل لك فتره محدده تجبينه واذا ماجبتيه يقطعون عليك البعثه لاجل كذا ابتدي اشتغلي عليه من الحين بس قبل شوفي الجامعه للي بتروحينهاا .. والله يوفقك

انتي تقصدين بعثه لدول عربيه >>> ماعندي خلفيه عن نظام الدراسة

تقصدين تكملي ماستر في السعودية >>>> اللي اعرفه من خلال جامعة الدمام والملك فيصل ان الدراسات العليا بالانجلش

تقصدين الدراسة في الغرب>>>> راح تدرسين سنه لغة ثم بعدها الجامعة

وتسألين عن اختبار التوفل >>> اختبار التوفل لازم يكون مستواك عالي في الانجلش يعني لازم تدرسين انجلش

يعطيكم العافيه حبايبي لا انا بدرس هنا في السعوديه في جده او مكه واعرف كثير كملوا الماستر في تخصصات تربويه عادي جدا لاني صراحه خايفه اغامر في الكيمياء وافشل بسبب الانجليزي

ماادري عن جامعات جدة ومكة

بس عن جامعات اللي بالشرقية طالبين لغة انجليزي

تأكدي من موقع الجامعات وربي يسهل لك

إذا تحبين الكيمياء و تبين تاخذين الماستر فيها ،، اضغطي على نفسك و تعلمي إنجليزي ،، الأبحاث و العلوم المتقدمة بالكيمياء كلها انجلش ،، و راح تستفيدين و تستمتعين إذا تحبينها :)