دراستي وشلون أنقلها الي الخارج

وينكم لدرجه هذي محد عنده خلفيه طيب أقل شي دعوه حلوه

ايه تقدرين تدرسين وتكملين دراستك
ويعادلونلك
لكن اناماادري عن تخصصك
( لغه عربيه ) اتوقع ماينفع لكن اسالي واستفسري
انتي اهم شي تجهزين شهادتك الثانويه وتترجمينها
وتاخذين السجل الاكاديمي حقك وتترجمينه عشان المعادله
وترسلينهم للجامعه الي تبين مع بعض الاوراق الي يطلبونهها

واهم نقطه اذا كانت فيزتك مرافقه تحولينها لطالبه عشان الدراسه

والله يوفقك

شوفي اختي لغة عربية ماراح تقدرين تعادلينها براا او شبه مستحيل
انصحك اول شــي انك تسوين تاجيل دراسة ( بالسعودية )
وتجين هنا وتدرسين لغة على انك مرافقة وتسالين عن وضعك هم بيعادلونك لك او لا .. اذا ايه اسحبي ملفك وقدمي عليهم ,,
او انك تسحبينن ملفك وتبدين من اول وجديد بقسم غير اللغة العربية
بالتوفيق اختي

انتي ما عندك بعثة حاليا يعني مافي مجال لك الا انك تروحين مع زوجك كمرافقة
والمرافقة يحق لها دراسة اللغة على حساب الملحقية.. واذا خلصتي لغة ممكن تقدمين الحاق في البعثة وتصيرين مبتعثة مستقلة

بالنسبة لدراستك صعب تلاقين لغة عربية برا .. وصعب تلاقين لك جامعة تعادل الساعات
معادلة الساعات برا ماهي سهله .. فكيف لو كان التخصص مختلف!
يعني احتمال كبير راح تروح عليك السنوات اللي درستيها
وتضطرين تبدين من اول تخصص اخر

ماادري كم باقي لك عالتخرج؟
وزوجك مبتعث بكالوريوس ولا ماجستير؟

اذا هو ماستر وانتي بكالوريوس بتصير مدة دراستك اطول منه.. وماراح تكفي مدة البعثة.. يعني بيتخرج وتنتهي بعثته وانتي ماخلصتي ..وماتسمح لك الملحقية تكملين

لذلك انصحك اذا مو باقي لك عالتخرج كثير تخرجي وتعالي كملي ماجستير احسن مما تبدئين بكالوريوس من صفر. لأن الماستر مدته اقصر بسرعة بتخلصين
وحتى لو اخترتي تخصص مختلف في الماستر عااادي مرة ماعندك مشكلة

والله يعين