دراستي ومسؤولية البيت والابناء

السلام عليكم
اتمنى ان تكونوا بأفضل حال خواتي
حابه استشيركم بموضوع
أنا وعائلتي ببلد غربة بحكم دراسة زوجي للدكتوراه اللهم بارك له ووفقه
لكن هو يريد وبشده ان ادرس أنا لغه بمعهد وبعدها اخذ دبلوم هو باقي له تقريبا ٣ سنوات ونرجع السعوديه اذا ربي اراد
وأنا يابنات عمري ٣٠ سنه وفي عز استقرار امومتي الحمدلله عندي ٣ أطفال تعبت معهم ببدايه طفولتهم وماكان احد معي كنت ارفض المساعدة وارفض الخادمه
والحين هم بعمر ٧ و ٥ و ٣ وكلهم الان مدارس وحضانه
توني اجلس بالبيت بالحالي سجلني زوجي لغه
بدوام يبدأ من ٩ الصباح وينتهي ٣ العصر على جية اطفالي من المدرسه
وأنا ماحس عندي رغبة او طاقه للدراسه خصوصا آني ما احس اني بحاجه هم اختبروني تحديد مستوى وطلع مستوى اللغه عندي السادس من أصل ٨
والله اطفالي ينامون من هنا
وأنا تطلعلي الواجبات من هنا
يقول زوجي اشغلي وقت فراغك وتعرفي على ناس جدد
وأنا اقسم بالله ان يومي فلللل بمعنى الكلمه حتى وعيالي بالمدارس
مابالك بدوام زي كذا . وابدا ما احس بفراغ الحمدلله والمنه .
خفت اهون واحذف الترم ويزعل زوجي او يعتقد اني فشلت بالمهمه هذي . وخفت ارجع السعوديه واندم اني مادرست . مع العلم اني درست سنه في جامعة الملك سعود تخصص ترجمه ولا قدرت اكمل مع انجباب الاطفال
ارجوكم انصحوني واقترحوا علي . ارجوكم ابغى نصايح حكيمه