درجات الطالبة من المسؤول ؟

ياأخوات الى من اشتكي اربع سنوات وبنتي تحلم بالدرجة الكاملة ولا تستطيع هل عندكم حل تاخذ درجات كاملة بالاختبارات الشهرية والنهائية لكن هالمدرسات الله يهديهن مايطلعن هالدرجات بسمحة نفس المشاركة لازم تنقص انا مادري ليش هي الدرجات من مخابيهن وماذا يستفدن من تحطيم الطالبة اين رفع المعنويات اين التشجيع انا الي اذكر يوم كنا ندرس ان بعض الطالبات قمة في المشاركة لكن اذا جاء الاختبار اطلعت الحقيقة فالاختبار احس انه ميزان اقوى لشطارة الطالبة معلمة تقول غبتي عندي حصتين تنقصه درجتين وثانية تقول تبين اقارنك بفلانة لان فلانة تحضر وهي لا طيب يافهمانة وش فايدة شرحك لاصرت ابحضر نقطينا بسكاتك ياخوات وش الحل المديرة تقول ابدا المعلمة عنده ضمير والمدرسة تقول هذي أمانة ياشيخ عقدتوا البنات باسم الدين والدين منكم براء والله ان بنتي فيقمة التحطم وتقول وش اسويعشان يعطونن الدرجة كاملة لا ولي باطن كبدي لاجت مدرسة جديدة اسبوعين ورصدت الدرجات ومشت م تاكلين تبن وترضين بالامر الواقع ياناس وين اشتكي هل في التوجيه من سامع ارشدوني مشكورين لا وزيدكم كم الشعر بيت وحدة من المعلمات يوم سبتهم ونقصتهم في المشاركة قالوا ياستاذة انتي ماتعطيننا فرصة تقومين فلانة على طول لو تقومه عشر مرات ماعنده مشكلة تدرون وش رده قالت اصلا انا مابيكم تشاركون رد في قمة الذوق والادب من معلمة الادب ماقول ياوزارة لاتعبون ارواحكم بتطوير المناهج عندكم ناس ماتوحي ارشدوني ارشدوني ارشدوني