حياك الله أختي, عن طريق البنك تطلبي فتح حساب للتداول وهو مايعرف بالمحفظه الاستثماريه, تدخلي عليها من موقع البنك بواسطه أسم مستخدم ورقم سري, وتباشري عمليه بيع وشراء الأسهم من الأنترنت وأنتي بالمنزل. أدنى حد بالنسبه للإكتتاب الجديد الشركه تحدده وتخصصه مثل ينساب حدد بـ 5 أسهم, لكن التداول غير محدد تستطيعي البيع والشراء بأي كميه حسب المبلغ المتوفر عندك.
محد يضحك عليك عزيزتي, كلنا بدينا من الصفر.



حياك الله أختي, ومرحبا بك في الدردشه.



تسلمي عزيزتي, حياك الله في الدردشه, وإن شاء الله نجيب قدر المستطاع على الأسئله.




مرحبا بك عزيزتي, الفرق بين المضاربه والاستثمار: الاستثمار شراء الأسهم بهدف الأستثمار بها والأحتفاظ بها لوقت طويل حتى تحقق الهدف المطلوب منها, ويتميز المستثمر بهدوء الأعصاب وراحه البال ومسار السوق لا يؤثر فيه حيث وضع له هدف معين, لكن يعيب الأستثمار وقته الطويل جدا وأيضا تجميد المال لمده طويله. الأستثمار أنواع أستثمار قصير الأجل ومتوسط الأجل وطويل الأجل.المضارب بعكس المستثمر دائما قلق متوتر يهتم بمسار السوق يتضايق في النزول ويفرح في الأرتفاع, يبذل جهد أكثر, لكن المضاربه تتميز بأنها لاتجمد المال بالعكس يكون المال دائم التحرك تجده يشتري هنا ويبيع هنا ويدخل في هذا ويخرج من هذا. والمضاربه انواع منها مضاربه يوميه, ومضاربه اسبوعيه وايضا مضاربه تمتد لأسبوعين أو أكثر.
التعلق بالسهم: هو شراء السهم بسعر عالي ثم نزول السهم عن سعر الشراء بفرق كبير ينتج عنه التعلق بالسهم بحيث أن الخساره تمنعنا من البيع وايضا الأنتظار لرجوع السهم لسعر الشراء ومن ثم تحقيق الربح يحتاج لفتره تضيع علينا الكثير من الفرص الموجوده في السوق.
تنفيذ الأمر عادي: هو شراء أو بيع الأسهم بشكل عادي بحيث تنفذ الكميه المطلوبه للبيع أو الشراء بشكل تدريجي وعلى دفعات
تنفيذ كلي: العكس تنفذ كامل الكميه مره واحده وليس على دفعات.
أقل كمية والكمية المعلنه (مقتبس من أحدى المنتديات):
الكميه المعلنه هى الكميه التى سمح البائع بظهورها فى السوق وهى عادة 10% أوجزء من كميه كبيره تتوالى النزول بكميات متساويه بالتدريج حسب مانص عليه أمر البيع, أما أقل كميه هى أقل كميه سمح البائع بتداولها من الكميه التى عرضت للبيع وهذه كلها عادة تأتى تحت ألأوامر المشروطه .



الله يعافيك أختي غالية, الخطأ الذي وقعت به بداية التداول هو الدخول بكامل السيوله في سهم واحد وعدم التنويع في الأسهم, لاحقا أصبحت أنوع وأوزع رأس المال على كذا سهم.



الله يعافيك أختي, إن شاء الله نضع لك المواقع والموضيع الجيده.

انا من سنه تقريبا اقراء واهتم بالاسهم وكان عندي راس مال وحاطته بالاسهم بس ماهو انا اللي اديره

والحمد لله لقيت خير من ورى الشخص اللي كنت معطيته فلوس

بس بصراحه خفت انسرق من كثر مااقرى في الجرايد من النصابين

هونت وسحبت فلوسي خصوصا فلوسي هذي شقى العمر والشي الوحيد اللي بينفع عيالي

لان ابوهم مديون ومن النوع اللي يضيع ويبذر وانا حملت همهم

ومن شهر صرت ادير محفظتي بنفسي

واحيانا القى خير واغلب الاحياااااااان ياكثر الخساير

بس عندي قاااااااااعده ماابيع بخسارة ابدا اتحول لمستثمرة بس ماابيع بخساره

والحمد لله اسهم كثيرة كنت اخسر فيها حوالي 1000 او 2000

وانتظر فتره الا انا ربحانه 500 او 1000

الحمد لله
فشعاري لا للبيع بخسارة مهما طالت المدة


بس مشكلتي اني عندي دوام ومسؤليات ومااقدر اتفرغ للاسهم وهي يبي لها متابعة واهتمام

فقررت بعد العيد بمشيئة الله اصفي المحفظة من الاسهم وتصبح سيولة واعطيها شخص

خبير وفاهم والمحفظة باسمي هو فقط يديرها تتوقعون يقدر ينصب علي في هذي الحاله


ساعدوني وقولوا لي الحل ؟؟

عموما اللي نفسه اتعلمه هو التحليل الفني يعني الدعم المقاومة الدخول الخروج

كيف اعرف سعر البيع والراء المناسب لان هذي اهم شي

كيف نتعلمه نبي لنا حل

مساء الخير عالجمييييييع
الله يعطيكم العافيه اخواتي ريميه وريميه على جهودكم وحبكم للخير والله يرزقكم رزقا حلالا طيبا من حيث لاتحتسبووووون والجميع اللهم آآآآآآآآآآمين
انا من فتره اتابع الاسهم وبالذات مواضيع عالم حواء ..كنت اخذ توصيات الثقات بالمنتدى واوصلها للوالد
بس اليوم رحت فتحت محفظه في بنك الرياض بمبلغ على قدي لانهم مايطلبون حد ادنى وهذا احلى شي (ماراح اقولكم كم عشان ماتضحكون علي اذا صار عندي مليون بعلمكم) :)
وقالولي ماراح اقدر اتداول الا بعد اجازة العيد بعشر ايام يعني الموضوع جاااا بوقته يمديني اتعلم اكثررر قبل لاابدا
اللي اتمنى اعرفه وافهمه التحليل الفني وكيف اعرف اذا السهم ينفع للمضاربه سواء يوميه او اسبوعيه...
ان شاءالله ماكون ثقلت عليكم بهذرتي :27:
الله يجزاكم كل خير ويزيدكم من فضله
في امان الله

الريييييييييمااااااااات .... ألف شكر على هالموضوع الحلو ...
والله يجزاكم خير على الفائدة اللي تقدمونها وأمثالكم في هالمنتدى الرائع ....
ما أكثر عليكم الكلام ... يالغاليات توني فتحت محفظة في الفرنسي ....ومتابعة من فترة بسيطة للسوق والمنتدى وقرأت مواضيع كثيرة من المنتدى ( يعني جالسة أعلم نفسي بنفسي ) ..
المبلغ راح أقسمه 3 أقسام :
- الثلث الأول راح أتركه للطوارئ
- الثاني راح أستثمره في أسهم و أنساها لفترة ، وش تنصحوني فيه ؟ ياترى اللجين مناسبة وإلا التعمير لبعد العيد ؟ والا فيه غيرها أفضل منها للغرض نفسه ؟!!
- الثالث ناوية أخليه للمضاربة اليومية ... سؤالي هو هل فيه شركات تنفع للمضاربة اليومية أكثر من غيرها ؟! ...
وسؤال أخير بعد إذنكم مع إني عارفة أني طولتها عليكم ... وش رأيكم في أسهم الجبس من فترة و أنا أراقبها وسعرها في تذبذب ؟ هل تنفع للمضاربة اليومية بعد العيد لأني ناوية عليها بحيث إذا نزل سعرها أشتري وأبيع أول ما يرتفع ، وهل متوقع لها توصل لسعر 1300 اللي وصلت له قبل فترة ، آخر إقفال لها بنهاية السوق كان 1180 ....
بانتظاركم وشاكرة سعة صدوركم ...

السلام عليكم يابناااااااااااااااااااااااات

كيفكم وشرفتونا بالموضوع......انا توني داخله لاني كنت تعبانه شوي..والله يعطيها العافيه ريميه ماقصرت...والحين بقرى الردود وبشوف اللي اقدر اجاوب عليه...واي احد يحس انه بامكان يجاوب من البنات تساعدنا لان الموضوع موضوع الجميع