السلام عليكم كيف حالكم ..اشتقت لكم الحمد لله رجعت للملف لي شهر جهازي ضارب فيه الف فيروس وماخلص الا اليوم وكل الفتره اللي راحت ادخل من جهاز خايس ولا لي خلق اتابع شي..المهم اخلصي ..
ماشاء الله الملف من زمان ماشفته بالصفحه الاولى من بعد مافصلوه خخخخ
دايما ادوره ولا القاه.. قبل كان احلا.. اخبار الكروشات من ولد ومن باقي ..وهج وشيلي ودانه خالد وام حتوما والباقين نسيت الاسامي اعذروني صايره ما جمع..
الحمد لله خلصت التجهيزات كلها بس باقي ترتيب البيت وغرفة الضيوف.. واعشاب النفاس وحايسه شوي بالضيافه مدري وش اسوي ناويه اولد ان شاء الله ببيتي ولا عندي احد يساعدني واهلي بعيدين عني..وابي شي جاهز ومريح في التقديم..عطونا من افكاركم يابنات وش تحطون وش تقدمون..
الله يسهل علينا جميعا ويقومنا بالسلامه ..

وعليكم السلام شخبااااااارك والله الملف نايم واكثر الردود تنحذف عشان كذا صار يطفش بالمررررررررره
والبنات من زمان عنهم بس ام حمود ودانه خاالد وام شهد اكيد ولدوا ربي يقومهم بالسلامه لانهم كانوا بالتاسع
وبالنسبه لسؤالك عن التقديم حنا ماعندنا هالحركات الحمدلله مرتااااااااحين خخخ اللي تجي تقهويني تجيب معها اللي تبي
وبسألك من وين بتشترين الاعشاب واي نظام بتمشين عليه>>>>بما انك مجربه النفاس
وربي يقومنا بالسلامه

هلا وهوجه كيف حالك ..واخبار الثقل معك ؟ انا احس اني متفككه وكتوفي توجعني لا ارتاح بنومه ولا قعده ..الله يعين
الضيافه..مايقصرون يجيبون معهم بس لازم ارتب شي حلو وغير متكلف للضيوف ..وتعرفين الناس الحين يجيبون العيد بالتكلف بس مانبي نجاريهم نبي شي حلو ومرتب..
بالنسبه للاعشاب بجيب من القصيم عندنا عطارين ممتازين واذا تبين ارسل لك من عيوني..
والنظام الغالب نظام فيافي وهو اللي استخدمته قبل..وحاليا قاعده اقرا مواضيع قشر قهوه الله يجزاها خير ..ولاحظت انهم مايختلفون الا بامور بسيطه لكن فيافي شامل لكل شي..وهذاي احاول ارتب جدول يجمع كل شي..ويكون سهل الرجوع له..

هلا وغلا فيك لحالي والحمدلله على سلاامة جهازك عقبال مانتحمد لك بسلامتك
الحمدلله انك خلصتي تجهيييز عاد نبي الصور هاااا ؟؟؟

والله يعينك على النفاس لحالك .. تعب وفي نفس الوقت لانه ببيتك رااحه عشان اغراضك كلها عندك وماتنسين شي
لو رحتي بيت اهلك واريح عشان عيالك وزوجك يكون موجود جنبكم ويحس بالمسؤوليه من البداايه ..

بالنسبه للضيافه من شاي ومعه المعجنات وفيه عندكم بالقصيم كثيييير يسوون ببيتوهم فيه ملف في قسم
ساعدوني لافكار الضيافه وارقام للي يسوون ضيافه من معجنات ومقليات ومحاشي ماشاءالله ..

وفيه فكرة انك تقدمين بعد القهوه سمبوسه تكون مغروسه بعود الاسنان ومعها سبرنج رول او كبه وتكون في صينيه فيها فلين
عشان ماتجلسين تدورين كذا مره عود واحد وفيه شيين السمبوسه والكبه او السبرينغ رول .. وتكون مربوطه في العود شريطه
على شكل فيونكه ..

ورق العنب اذا تبين تقدمينه بعد اختي سوت حركه الملفوف غرست فيه اعواد من كل جهه وفي كل عود حبتين ورق عنب
ولافه الملفوف >>السلطه الخضرا المدوره للي مايعرفها
ولافتها بشريطه من الوسط وحاطتها على قاعده زي الفازه او الفلين اذا تبين ..

وقدمي المعمول والخرابيط الشعبيه اذا تبين مع توزيعات خفيفه ومفيده مثل اكياس تل وحطي فيها اشرطه دينيه
او كتيبات صغيره للجيب او سجادة الجيب او المسبحه الالكترونيه او زيزمية موية زمزم او او تلقين اشيا كثييييره تنفع توزيعات
بالقسم التجااري ..
وحطي معها شوكولاته وعباره حلوه .. وبسسس ..

الله يسهل علينا يارب ..

اهلين غلا روحي..الله يسلمك حبيبتي ويهون علينا ويقومنا بالسلامه جميعا.. وان شاء الله انزل التجهيزات ..
والولاده ببيتي هالمره اشوف انها افضل لي لان بنتي تدرس هالسنه وصعب انقلها على اخر العام..والمشكله اهلي بالقصيم وانا بالجبيل وماعندنا هنا شي يفتح النفس فلازم اجيب من مكان ثاني..
والله يعطيك العافيه على فكرة المعجنات مره حلوه واسهل من الحوسه..
وان شاء الله القى افكار ثانيه وبسيطه..والله يسهل يارب