دردشه..بيني وصديقي

حوار هادف ينتقد بعقل وهدوء..بيني وبين صديقي اللي على نياته.........وزير الداخليه اعطانا الحق في ذلك وقال في لقاء مع الصحافه انه يشجع النقد البناء والهادف في كل امور حياتنا ولكن بشرط ان نبتعد عن تجريح الأشخاص ونكون هادفين..
=========================================================
البحار : هلا والله ياصديقي
------ : هلا بيك يالله اركب نلفلف شويه
البحار :الله يعينا على سيارتك هذي المهربده
------- : والله ما هربدها الا هالشوارع اللي كلها حفر تقول حنا على سطح القمر
البحار : لا ابشرك سمعت انه دراسات مشروع الصرف الصحي انتهت
------- : فمك طالع منو غبار..الكلام هذا سامعه من خمسه سنين
البحار:غريبه..اجل تتوقع ناسينها تحت المرتبه
----- -: ويش هي
البحار : الدراسات
------.: ناسينها ولا مزلبينها
البحار:والله خوفي نصير زي سكان جويديفبور
-----:وين هذي
البحار:في اقليم غازيبور
-----:فين في الغرب ولا في اميركا
البحار:الله يكون في عوني وبس..في بنجلادش يا مطلع افندي..ترى البلا منا حنا.....الحكومه ما تقصر وأولياء الأمر يوفروا كل شي لنا..بس احنا أو بعضنا للأسف ما حنا قد الثقه...ولا نعمل باخلاص..ولا نراقب الله في ا نفسنا وفي عملنا..
-----:صدقت يا البحار
البحار: والله ياخي زوجتي حامل واني اذا مشيت من شارع حراء احس انه انا اللي باجهض....
انتبه انتبه يا صديقي الرصيف قدامك
------: ايش هالرصيف اللي وسط الشارع ..حسبي الله ونعم الوكيل..لايحطون اشاره تحذير ولا انوار فوسفوريه
البحار: تصدق الرصيف مفتفت
------: والله من كثر ما دعمرت فوقه السيارات
البحار: تصدق يا صديقي لو طلعلك زي هذا الرصيف في امريكا ودعمرت فوقه ..تقدر ترفع قضيه على المرور وتاخذ تعويض
------:اقول يا ليتنا نسلم منهم وبس....اربط الحزام لا تنكبنا
البحار: تصدق قريت ان الغرب يدرسون امكانية ترقيع الفتحه اللي في الأوزون
----- : ويش الأوزون
البحار: شوف في ايش يفكروا واحنا لسه نفكر في حل لمشكلة السواقين و سياقة الحرمه للسياره!!..المصيبه روح شوف الباديه الحريم يمشون السياره على كفرين...ما حد يقدر يقرب لهم من الداشيرين والصّيع..
----- : بالله عليك خلينا نروح نتفرج
البحار: تروح تتفرج انت وجهك..المهم انهم يسوقوا في البر ويرعون بسياراتهم زي ما كانوا يرعون الأولين بالحمير
----- : يعني الحمار الحين صار يدق بوري بدل ما يناهق ويمشي على كفرين بدل ما يوقف متنح..اجل ياخي ليش يحرمون الحمار!!!!!! عفوا اقصد السياره على الحريم..
البحار: ياخي ما حرموها بس احنا ما تخلصنا من نظرتنا الخاطئه للمرأه ودايما نعتبرها فريسه لازم ما تخرج من القفص او بعدين تهج ..
----- : معقوله يالبحار فيه ناس تفكر كذا
البحار: قليل الحمدالله وانا اعجبني رد الامير نايف على واحد صحفي سأله ان كان هناك نيه للسماح للمرأه بالسياقه...جاوب الامير وقال هل يتقبل المجتمع ذلك
------ : طيب يابحار انا قابل..
البحار: بس فيه مشكله..اذا رجل المرور وقف حرمه كيف يتفاهم معاها..
----- : والله صح هذي مشكله!!..طيب لا يوقفها.. هذا الحل..
البحار: اقول انت عقلك بانتيوم كم يا صديقي
------ : ايش يعني بانتيوم
البحار: يعني مقاس الطاقيه كم
------ : انا يا حلو ما البس طاقيه عشان ما اصلِع هاهاهه
البحار: لالا انا اضمن لك انك ما بتصلِع لأنه كل شي تحت فروة راسك جديد وبكراتينه..اطمن
----:طيب ما قلت الحل
البحار:يا خي الحل تلتزم بالحجاب الشرعي زي بنات الباديه..ما نبغى تبرج وسقوط
-----:اصلاً يالبحار التبرج موجود روح شوف السوق
البحار:الله المستعان
-----:اقول ابي اروح انام الله يعيني على الناموس
البحار:والله الشرهه عليك انت وعيالك رازين وجيهكم وفاتحين الشباك..فرحانين بالبحيره الخضرا
-----:تصدق يالبحار..البحيره في الليل فسفوريه
البحار:هذا والله من كثر ما حط بيض البعوض
------:طيب المهم انزل تراك غثيتنا
البحار:والله انت غثيتني ببلادتك..روح انشالله بعوضة متصدع تنام على خشمك راويه مرتويه
-----:طيب تصبح على خير
البحار:انتظرك بكره........