وعدتكم بالأمس إني أعمل لكم درس خفيف للتسجيل بالفيس بوك
أحد أشهر المواقع العالميـة
وهو موقع ويب للتواصل الاجتماعي
ومو بس كذا
فهو يضم كُبرى الشركات والمواقع الشهيرة وغيرها من الحملات الخاصة
يعني لاتجي وحدة تتفلسف وتقول اش دخلني بهم
شوفي موبايلي والاتصالات والمحلات بأنواعها وعالم حواء وغيرها الملايين
هم مو بأحسن منك
تقدرين تفتحين صفحتك الخاصة
وتعتبرينها ملاذ لك مثلها مثل باقي المنتديات
النقاط اللي راح نتعلمها بهالدرس
تعالوا اقولكم وش تفرق الصفحة الشخصية عن الصفحة التجارية..؟
اولا .. هذي صفحتي الشخصية,
http://www.facebook.com/profile.php?...00000378838736
وهذي صفحتي التجارية (اضغطوا على الصورة)
عندي بصفحتي التجارية .. 160 معجب هذا وأنا ماساهمت بنشره في مواضيعي وتوقيعي,
عندي بصفحتي الشخصية 315 صديق طيب ..؟
طيب ..
أكتبو إسمي بقوقل ,
وش تلاحظون..؟
طبعا الصفحة التجارية جات في اول الصفحة من قوقل
وصفحتي الشخصية جات في ثاني صفحة
(1)
نجي للتسجيل
اللي ماسبق لها تسجل تضغط على الرابط بالنسخة العربية
http://ar-ar.facebook.com/
تعبئة إستمارة البيانات
(طبعا لاتتفنين بالاسم وتمططين فيه لانه ماراح يقبل)
او على طول قومي بإنشـاء الصفحة كما بالصورة (وهذا الافضل)
ويفضل يكون الايميل تجاري وجديد
طبعا لأن احنا تاجرات راح نختار
(علامة تجـارية أو منتج)
نضغط عليها
إذا جاتك رسالة تنبيه أو تحذير طنشيها لاني معطيتكم رابط النسخة العربية
وجربتها مامنها أي خوف ان شاء الله
نروح للرابط اللي جانا ع الايميل ونفعل الحساب للي دوبها سجلت
يتبع
سهلة جدا كل شي واضح
بخصوص النقطتين 1 و 2
1- تكملين انــشاء صفحتك الشخصية
2 - تعزمين المضافين اللي بالايميل
بس ما انصح بها لإجراءات امنية
(لانهم راح يطلبونك ايميلك + الباسوورد حقه)
الصفحة الشخصية للي ماعندها حساب بالفيس بوك
الجواب لازم يكون أكثر من 5 أحرف,
نكمل بالرد الثاني بس ارتاح شوي
باااك ...
بعد مانضغط على إنشـاء الصفحة
تجينا 3 خطوات
معنى هالخطوة انك تكتبين ايميلك
والباسوورد حقه
تجيك حسابات كل المضافين عندك وتضيفينهم انتي كـأصدقاء
انا عملت هالخطوة بإيميلي التجاري
بس برضه اعتبرتها مجازفة
فإذا انتي بتعملين هالخطوة اعمليها
وعلى طول من بعدها غيري كلمة المرور
اذا ماتبغين تعملين هالخطوة اضغطي على
تخطي هذه الخطوة
الخطوة الثانية يطلبك فيها
المدرسة/الكلية/جهة العمل
وتقدري تتخطيها
الخطوة الثالثة
تختاري صورة لملفك الشخصي
شعار او منتج ....الخ
او تعملي تخطي
وأخيرا مبروك عليكِ الصفحة الشخصية
وجميع النقاط موضحة وسهلة مايحتاج لها شرح
(2)
- كيفية إخفاء الايميل الشخصي حتى ماتجيك ازعاجات او تهكير لاسمح الله.
نروح على الحساب
في يسار أعلى الصفحة
نختار اعدادات الخصوصية كما بالصورة
تابعو معي الخطوات
نضغط على اللي احطناه بمستطيل
ومن ثم تجيك قائمة طويلة وتحكمي بها
لكن اهم شيء الايميل تلقينه آخر شي
لان احنا مستهدفين من قبل الهكر
نضغط على زر الاصدقاء فقط كما هو باعداداته
نختار تخصيص
ومن ثم نختار أنا فقط
ومن ثم حفظ الإعدادات
(3)
- كيفية ايقاف الرسائل المزعجة اللي بتجيك على بريدك من الفيس بوك .
بعد ماتسجلي بالفيس بوك قومي بعدة خطوات
- إضافة الاصدقاء لحسابك الشخصي.
- الانضمام الى المجموعات التسويقية مثل/
فيس مول
آمن للتسوق الالكتروني
التجارة
هذي اللي انا منضمة لها حاليا وحلو فيها انك تنشري بضاعتك
لانه اي احد يكتب حاجة
راح تروح لإيميلات جميع الاعضاءو اذا ماعرفوا كيف يوقفوا هذه الرسائل
بس لانها تزعجني شخصيا ادخل كل يوم القى ايميلي فوق 30 بريد
بتضايق خصوصا لوفيه ايميل مهم ومانتبهت له
برضه اذا احد من اصدقائك حط صورة او كتب شي راح يجيك خبر في الايميل
فعشان تريحي نفسك من كثرة الايميلات
راح اشرح طريقة ايقافها
1- طريقة ايقاف الاشعارات المرسلة على البريد
نروح على الحساب مرة اخرى
بس نختار دي المرة
إعدادات الحساب
عن نفسي شلت كل علامات الصح
الا عن بعضها احس انو لازم يكون لي خبر بها توصلني ع الايميل حتى لو ماصارت
النشر على حائطك
يذكرك شخص ما في تعليق
اقتراح صورة شخصية لك
التعليق على صورك
جعلك مسؤولاً عن مجموعة
جعلك مسؤولاً عن صفحة
التعليق على روابطك
الرد على سؤالك في مركز المساعدة
التعليق على حدث في حائطك
Suggestions to subscribe to Deals on Facebook
2- طريقة ايقاف الاشعارات اللي بتكون مرسلة من المجموعات التجارية
نروح على الصفحة الرئيسية
نلقى على يمينها هالقائمة
(مسجلة دخول بحسابي الحقيقي)
نختار فيس مول مثلا
يجينا تعديل الاعدادات نلقاها تحت كلمة الحساب
واختاري مثل مابالصورة
يتبع...