mim000 @mim000

محررة فضية

درس تعلمته من الشباك !!

في يوم من الايام كنت مرة فيني حالة ملل غير طبيعي ... استغفر الله
طبعا كل هالضيق سببه بعدنا عن الله بس متى نتعلم ؟؟ مدري

المهم حاولت اونس نفسي بس ماااش
كان الوقت على اخر العصرية ...
في النهاية .. مالقيت غير هالشباك اطل منه اغير جو شوي ونطالع الناس رايحة جايه
وطبعا كالعادة كل ما اشوف رجال طالع بسيارته اهنيه واقول ياليتني اقدر اخذ سيارتي واطلع افر الشوارع متر متر
يمكن ارتااااح

شوي شفت واحد شباب يتمشى بالشارع .. بطلت من امنية اني اسوق و قلت خلاص ما ابغى سيارة .. ليتني عالاقل اقدر اطلع الف على رجليني واشم هواء بدل هالشقة اللي تكتم النفس..

بس شدني شكل هالشاب .. شعره ، ملابسه، مشيته حركاته تحسين انه من زمااااااان ما اهتم بنفسه !!!!
كان فيه شيء مو طبيعي
وقدر ربي ان عينيي تطيح على رجوله .... واااااه

اااااااااااااااه يابنات منظر شفته اتعبني كثير كثير...

تخيلوا ارجوله حافيه ومربوطة في بعض بحبل علشان خطوته ماتكون وااااسعة وما يروح بعيد او يهرب .. !!!

اااه ياقلبي اتعبني المنظر كثير وطاحت كل امنتياتي التافهه ..
وقلت الحمد لله اني بخير وبصحة وعافيه ..
فلا العافية لاتقدر بثمن ..
هذا هو رجال وقاعد يلف الشوارع ويروح وين مايبغى بس منظره يببكي ويمكن مو حاس بنفسه
والدنيا ظلام بعينه
يمكن يتمنى انه بخير ويجلس بالبيت
يمكن يتمنى يجري او عالاقل يمشي بدون حبل ..:06:

اااااه يارب لك الحمد على نعمك اللي نتقلب فيها كل يووووم وحنا مو مقدرينها ولا نشكرك عليها

حسيت شقتي على ضيقها اوسع من الدنيا دام اني بخير

هذا درس تعلمته وحبيت انقله لكم واتمنى لكم الفائدة

539

يلزم عليك تسجيل الدخول أولًا لكتابة تعليق.

تسجيل دخول

اميره خطييييره • 14 سنة

ايو الله من شاف مصيبة غيره هانة عليه مصيبته الله يعيين ع هالدنيا
بس ثاني مره لاعاد تطلين مع الشباك لاني شفتك خخخخخخخخخخ

علبة ماكياج • 14 سنة

الله يرحم حاله وحال كل منهم مثله ويرفع عنا وعنه البلا..

ريانة العود22 • 14 سنة

ماشاء الله عليكي غيرك يطالع ولا كنه يشووف شي ..لكن انتي تحرك قلبك ومشاعرك وحسيتي بالنعمة اللي انتي فيها

الله يديم علينا النعم بجد كل شي حولك يخليكي تفكرين بنعم ربي عليكي لكن الله المستعان الدنيا والركض وراها

تخلي الواحد ينسى نفسه وينسى عظمة ربي ونعمه عليه اللي لاتعد ولاتحصى ..

اللهم لك الحمد حتى ترضى ولك الحمد اذا رضيت ولك الحمد بعد الرضا ولك الحمد على كل حاااااال ...اللهم لك الحمد
حمدا طيبا مباركا فيه ...