تعلمت اني مااعطي احد ريال واحد
ليش؟؟؟ لاني خسرت أموال كثير على ناس صراحه ما يستاهلون ما يقعد بيدي شي ابد
وان مسكت شي ع طول اوزعه على اللي يحتاجه واللي لا
والناس ذولي بالذات لما احتاج مبلغ او مساعده مااشوف احد منهم وهم اول م يتصلون علي اقول هه سمو ابشروا
تعلمت مااثق ولا اعطي اسراري لاحد حتى اخواتي
ايه اخواتي لان نفسياتهم متقلبه وفيه منهم اللي يحسدك على سعادتك حتى صحتك!
لاتنصدمون بس انا كذا اقاربي
تعلمت مااارهق قلبي اكثر و احب و احن على احد
صرت خلاص قاسيه لاني بذلت كثير مررره ولا شفت شي الا القسوه و القيل والقال فيني والحش والغيبه
ماني حريصه على فلوسي ابد عادي لو بشنطتي عشر الآف ارميها بكل مكان ماتهمني الفلوس ابد
عشان كذا فيه ناس استغلتني
انا افكر وانظر لفوق اطمح السعاده والوناسه كل همي اني استانس بيومي وبس وبكره رزقه معه
بس آللي حولي لا يشيل هم بعدين ويفكر لبعيد
بس م يستانس بيومه
انا اكره النوعيه ذي معليش فيه ناس قريبين مني مره كذا طبعهم !!
انا الوحيده اللي من اهلي طبعي مختلف عنهم تماما
ودايما كل من يقابلني يقول انتبهي لفلوسك انتبهي لا تلعبين ارجوك خففي من العطاء خففي من الضعف اللي فيك
تعلمت ان ماراح ينفعني بالدنيا ذي الا بنتي لاني قاعده ازرع فيها صفات معينه و زرعت فيها حب وحنان و اشياء كثير صحيح عمرها ٣ سنين بس احسها صديقتي😇
تعلمت ان البربره الزايده ما نفعتني بس الناس تاخذ اعلومي وتروح

تعلمت ما حد أختك إلا أختك الحقيقية
تعلمت إن ما أكل ولا أمل في تقوية الضعاف من الطلاب لأنهم ليسوا أغبياء
تعلمت الخير اللي تسويه يكون لوجه الله
تعلمت أخبار بيتي ما تطلع لحد
وتعلمت إن اللي ما يحبك ليس بسببك ولكن بسببه فلا تحاول تغيير مشاعره لأنه ليس مهماً
تعلمت أطالب بحقي ( بذوق وأسلوب ) ولا أكلف نفسي فوق طاقتها

تعلمت ان الحياه قصيره جدا جدا
ف بدال مااركز على فلان وعلان واشره واعتب او اتضايق منه
اركز على وش لازم اسوي عشان اسعد ووش اسوي عشان اخرتي وكيف اعيش هالدنيا لاني ادركت فعلا الحياه قصيره والوقت سررررريع والعمر يمر فليش اضيعه بهم ونكد وخوف

اهم شي ان السعادة بالقرب من اللهتعلمت1/ الدنيا دوارة2/ لا تقطعين نفسك علشان احد الا الام والاب واحيانا الاولاد3/ جمعي قرشك الابيض ليومك الاسود4/ عيشي حياتك لنفسك مو لناس بمعنى اكل اللي احبه مو اللي يحبونه او يمدحونه الناس والبس اللي احبه مواللي يحبه الناس وهكذا

فعلا ارضاء الناس غاية لا تدرك