دروس حصرية لمكياج الفنانات .. روعه لاتفوتك
السلام عليكم ورحمة الله وبركاته
اليوم راح اقدملكم ياعالم حواء الحلوات دروس لمكياج الفنانات .. ويارب يحوز على رضائكم
وتستفيدون منه ..
نبدأ :
الدرس الأول
درس مكياج نورا السيد ..
هالمرة طبقت لكم اول درس تجميلي مشابه لستايل خبيرة التجميل نورا السيد في هذي الصورة
هالمكياج ستايل براونش بطريقة مسحوبة
هي صورة العيون قبل لا نحط عليها اي شي
طبعا اول خطوة وهي وضع الكونسيلر على كامل الجفن بطريقة متساوية لو فيه اي زوائد ممكن بطريقة التربيت الخفيف بالكلينكس ع المنطقة عشان نزيل اي فائض منه
انا استخدمت ظلال مائية من ماركة كيرولان على منطقة تحت الحواجب بعد ما ينشف الظلال انموه الظلال بطريقة ناعمة وخفيفة عشان ما يروح منا اللون
على الجفون المتحركة نستخدم الظل المائي باللون البني الماركة اللى استخدمتها من كيرولان
فوق الظل البني المائي نرسم خط بالاي لينر المائي الاسود مع تعريض الخط في نهاية العيون وحاولي تخلين الخط ياخذ شكل المستطيل نوعا ما مثل اللى بالصورة
الخطوة اللى بعدها وهي دمج الظلال المائي مع اي لاينر واثناء الدمج حاولي ما تضغطين على الفرشاة وايد عشان اللون ما يروح يمكن البعض ما يراعي هذي النقطة وعندي ملاحظة ثانية وهي استخدمي نفس الفرش اللى طبقتي فيها الظلال ان سر الظل المسحوب يكون في بقايا الظلال الموجودة بالفرشاة ولو استخدمتي فرشاة يديدة مب طالعة بطريقة المرغوبة
في هي الخطوة انا استخدمت ظلال البودرة بدرجات البني وطبقتها فوق الظلال المائي بعد الدمج
هنيه نرسم خط الاي لينر من من فوق وتحت ولاحظي خط الاي لينر من تحت عرضت بطريقة مستطيلة نوعا ما عشان يعطيني شكل المسحوب مع وضع فونديشن افتح بدرجة او درجتين تحت خط الاي لينر عشان يعطيني شكل الظلال المسحوب ..
هذا الشكل النهائي للمكياج المسحوب على طريقة خبيرة التجميل نورا السيد
ان شاء الله تستفيدن من الدرس التجميلي الحصري
واعذروني لو الصور مب واضحة لان مثل ما تعرفن تطبيق المكياج على الورق شوي اصعب من الطبيعة
اللوك المسحوب من اسهل واجمل اللوكات
منقووووووووووووووووووووووووووول واتمنى لكم الفائدة