السلام عليكم
هذا الله يسلمكم لما ارسم اظافري ياخذ الموضوع وقت وعادة مفصل ايدي تعورني لما اسندها عالطاولة مدة طويلة
شفت انهم يبيعون مساند للايد للي تشتغل بتلوين الاظفار... زي الي بالصورة
فقلت يابت :biggrin2: بما انك تحبين الخياطة... والقماش موجود... خيطي واحد بنفسك!
المهم قعدت عليه امس وخلصته وهذا شكله النهائي
نفس الطريقة ممكن تستخدميها لمسند اكبر حق الظهر! او حتى لشنطة!
الخطوات مو بالضرورة زي ما انا سويت, لاني حبيت الخياطة تكون نظيفة فسويت خطوات مو ضرورية... بوضحها بالصور...
(1) اول شغلة قصيت قطعتين بنفس الطول مقاس تقريبا 30 سم في 20 سم؟ شوفوا الصورة... (انت ممكن تستخدمين قطعة قماش واحدة... الثانية مو ضرورية لانها بتكون من داخل)
(2) قلبت القماشين وخليت الجهه الي ابيها تكون برا مواجهين لبعض من داخل... ثم اخذت سحاب وحطيته مقلوب بين القماشين...
(ماعليش لون السحاب جاي عرض, بس هذا الي كان متوفر, وانا مسويته استخدام شخصي :unhappy:!) ...
(3) ودبستهم بشكل متقارب لان قماشي شوي مطاطي, فما ابيه يتحرك وانا اخيطة وتخرب الخياطة...
(4) بدأت اخيط واشيل الدبابيس... (الشمس خربت اغلب الصور الاولى :biggrin:)
(5) والحين اذا فتحت القماشين بيصير شكلهم كذا... الجهه من القماش الي ابيها تكون برا مواجهه للكاميرة...
واذا سفطت القماش بيكون هذا شكله (6)... والخياطة مخفية داخل.. ومو ظاهر غير جزء من السحاب
بالصورة رقم (7) ... قصيت القماش الي راح يكون من الداخل شوي... لاني اذا سفطت القماشين مع بعض بشكل دائري (لاجل احصل على الشكل الي بالصورة) بيكون الداخلي اطول! فكان لازم اقصه قبل ما ابدا خياطه...
(اعيد مرة ثانية... القماش الداخلي اختياري لاجل خياطة انظف, ممكن تتجاوزي هالنقطة)
بالصورة رقم (8) ... هذا القماش وهو مقلوب (الجهه الي نبيها تكون ظاهره موجودة داخل)... فصلت السحاب الايمن والايسر... والسسته متسدحة بالنص...
انا خيطت الجهه اليسرى بالخطوة رقم (4) الي ذكرتها فوق... واعدت نفس الطريقة رقم (2) و (3) للجهه اليمنى ودبستهم... هنا تأكدي ان السحاب الايمن والايسر متماثلين...
بالصورة رقم (9) خيطت الجهتين وقلبت القماش والحين اقدر اركب السسته ونكون خلصنا اهم جزء بالمسند! واتمنى موضوع القماشين بالصورة هذي صار واضح... لاحظي ان بعد الخياطة مايبين من السحابين الا الجزء الي نبيه يبين... والباقي خياطة نظيفة مو باين شيء...
نبي نجهز للدائرة... رسمتها بالاول على ورق عادي (10) ... وخططت القياسات الي ابيها... ابيها مثلا تكون على ارتفاع 6 سم ... وابي طولها على الطاولة 10 سم...وحسبت بشوية رياضيات ان محيط الدائرة بيكون تقريبا 18 سم... وكلها على بعضها تقريب 28 ... والقماش الي انا قصيته اول مرة تقريبا 30 سم نقصي منه 2 سم حق الخياطة من الاطراف...
ثم قصيت دائرتين لليمين واليسار(11)
المهم قلبت القماش حتى اشتغل على خياطة الدوائر من الداخل... اخذت الدائرة من عند العشرة سم ... خليت 5 سم على يمين السحاب وـ 5 على يساره... حتى يكون السحاب تحت المخدة بالنص وعلى الطاولة ماينشاف... ودبست باقي الدائرة زي ماهو موضح بالصورة رقم (12)... خيطت اليمين وبدأت ادبس اليسار (13)... المهم هنا تتأكدين ان الدائرتين باليمين والشمال متماثلتين... يعني كلهم 5 سم يمين و5 سم شمال السحاب...
بعد ماخلصت خياطة الجهتين وقلبت القماش... كذا صار شكله (14) .... وخلصنا من كيسة المسند! الحين نجي للحشوة.... اخذت قطعة كرتون (15) وقصيتها تقريبا 7سم طولها ... عرضها قسته على المقاس الي عندي بالنظر... كان تقريبا طول المسند ناقص 3-4 سم (حتى مانحس فيها من الجوانب نبيها صغيرة)...
(16) اخذت الكرتونه ولفيت من القماش الي عندي حولها كذا لفة... (القماش الي عندي ناعم وثخين ينفع يكون داخل المخدة ماعندي قطن)... وقصيته بحيث يكون عرض اللفة نفس عرض المسند ... واعدت الكرة لكن هالمرة بقطعة كرتونه مقاسها 4 سم... وايضا لفيت القماش عليها.... وخذيت اللفتين فكيت شوي من اللفة الاولى الكبيرة, حطيت اللفة الصغيرة داخلها ولفيتها الباقي حول الصغيرة لاجل ادمجهم مع بعض ... وشكلها النهائي زي ماهو واضح بالصورة رقم (17)...
ودخلت الحشوة هذي داخل وكذا صار شكلها (18) ....... وبس
الطريقة هذي بسيطة وممكن تخيطين انواع الشنط منها... وبس
شكرا