هلا عزيزاتي ,,
بحط لكم درس عمل فستان لبنوتة , روووعة وسهل ,,
يناسب لعمر بنوتة من سنتين الى ثلاث سنوات ,,
نقلته من مدونة اجنبية , واحاول اترجمه لكم
1- اول شي نحضر باترون الصدر - بحطه لكم بنهاية الدرس للتحميل - ونحطه ع القماش , ونقص الصدر , ونقص معاه :
1- قطعتين للتنورة بطول وعرض 22 × 13 أنش
2- قطعتين لكشكشة الصدر 18× 3 أنش
3- قطعتين للحزام 17× 4 أنش
2- نخيط خط ع بعد 1/4 انش من التنورة من فوق , ونشد الخيط عشان يتكشكش , نعملها للتنورتين.
3-نأخذ قطعة كشكشة الصدر , ونكويها ( الخلف مقابل الخلف) ونخيط خط مستقيم وعقب نشده عشان يتكشكش.
4-نخيط قطعة الكشكشة على الصدر , بس مش من البداية , عقب 1/2 انش من فوق الصدر ,
نخيطه ع الصدرين , وعقب ندمج الصدرين مع بعض من صوب الكتف
ونرجع نخيط الكشكة من فوق عشان يتثبت.
5-نساوي قطعة التنورة مع قطعة الصدر بشد الخيط , ونثبته بالدبابيس ونخيطه الامام مقابل الامام.
6-وعقب نخيطه من جدام . هالخطوة ضرورية جدا ( لاني مرة سويت فستان ونسيت هالخطوة فطلع الفستان متبهدل , وتميت افكر فالغلط اللي فيه لين ثاني يوم انتبهت اني نسيت هالخطوة )
تابعوا معاي تكملة الدرس , بليز لا حد يرد لين ما أخلص الدرس ,,