**نوارة** :

اما بالنسبه للسمار .. ياقلبي عليه ..مافي احلى من السمرا وخصوصا لما تكون كلها ثقه بنفسها ... عمرك لاتحطين كريم اساس او بودره فاتحه عشان مايصير لونك رمادي وعمر مكياجك مايضبط... اذا تبغين تفتحين لونك اختاري درجه لون افتح منك بدرجه وحده بس مو اكثر عشان ماتطلع رقبتك او يدك لما تقربينها لوجهك لون ثاااني وبعيد... كل ماكان الشكل طبيعي طلعتي احلى ...والسمرا كثير الوان تناسبها درجات الترابي والعنابي والذهبي والمشمشي والموف ودرجات معينه من الاحمر تطلع حلوه عليها لكن بالذات الاحمر والوردي لما تختارينهم اختاريهم بحرص لان لون ممكن يخليك ملكة جمال ولون ممكن يخلي لونك قاتم او بشرتك صفرا او بالنسبه لتغير اللون فبعض الاماكن للي لون بشرتها حنطي او بيضا .. فانا اعتقد صراحه انه مو مشكله كبيره زي منطقة الابط مثلا .. يعني اظن مجرد انك تهتمين بازالة الشعر من هالمنطقه باستمرار واستخدام الليمون والجلسرين فالفتره اللي تشتغلين فيها وانك لما تتحممين تهتمين انك تحطين مزيلات عرق مناسبه لك بروايح حلوه ومافي مشكله لو حطيتي كريم اساس خفيف فهالمنطقه ...وخلاص ..ماهي نهاية الكون لاصار الابط غامق ولا يمنعك تلبسين بلوزه انتي حابتها اهم شي الريحه الحلوه ونعومة البشره تغطي على كل الالوان ..تتوقعين زوجك بيفضل أيش اكثر ؟؟ تكونين نظيفه وناعمه وريحتك حلوه ولابسه بلوزه ولا احلى بدون كم ومره شكلك انثوي مع اسمرار فالابط.. ولا بيفضل بلوزه نص كم او كم طويل كل يوم كل يوم مع عطر على هالبلوزه وخلصنا؟ بالنسبه للنعومه ... اكيد اول شي ازالة الشعر من الجسم كله .. بالله كيف بتدلعين وانتي مخبيه الشعر اللي طلع فساقك وخايفه يلمس بالغلط كوعك الخشن ... ولا خايفه يلمس كف يدك ويلقاه متقطع وخشن سواء بسبب الغسيل والشغل او الاهمال ! اكيد مابيكون عندك ثقه انك تقعدين جنبه براحتك بس مو بعد انك تدلعين وهذا مو لان عندك مشاكل مستعصيه ولا قبيحه لأ.. لازم تعترفين انك عجازه وبس ... ومع الايام مع الميانه والتعود على الزوج واول مايروح الحيا .. بتصيرين ماتهتمين ان شاف ساقك بشعر ولا شاف شعرك منفوش ولا لمس جسمك وهو خشن ... ولاتقولين بطل يحبني زي اول او خلاص مل مني او الكلمه اللي دايم نقولها لانفسنا انك مهمها تزينتي بيمل منك خلاص وتبهتين بعينه... غريبه؟؟ اشوف الفنانات مايبهتون ولا حتى نفسنا يالحريم نمل من شوفتهم؟؟ دام نترقب الجديد ياتري الفديو كليب الجاي كيف بتسوي شعرها ؟ ياترى المقابله الجايه وش بتلبس فستان ؟؟ ياترى وش لون المكياج اللي بتحطه بالحفله الفلانيه وكيف ستايل الفستان الي بتنزل صورها فيه ؟؟؟ ليش ماعمرنا ملينا ابد لا حنا ولا رجالنا من النظر والتأمل والتمعن بجمال هالفنانات اللي اغلبهم عدوا الثلاثينات وانا هنا اقصد القديمات من جيل نوال الزغبي ونجوى كرم وديانا حداد وغيرهم .... مليتوا منهم؟؟ مو كل فتره ودكم تشوفون وش صاروا وش لبسوا وش تغير فيهم؟؟ يعني مامليتوا... لان ببساطه الزين محد يمل منه... لكن انتي تقنعين نفسك بهالشي بالقوه لحد ماتصدقينه... لكن اتحدى اذا كان زوجك يشوفك احلى بنظره بعد شهر اذا كنتي تتنزينين ثلاث مرات بالاسبوع ... ويشوف حلاك اقل اذا تزينتي سبع مرات فالاسبوع ؟؟ هذا التفكير بقمة الغباء ... ماراح يمل دام زينك كل يوم بلون وشكل وشعرك كل شهرين ثلاث بقصه ولون .... اسعدي نفسك واسعديه وخلي ثقتك بنفسك كبيره ... انوثتك مصدرها ثقتك بنفسك والمرأه بهالزمن ثقتها اولا تجي من جمالها او بمعنى اصح اهتمامها بنفسها ...

اما بالنسبه للسمار .. ياقلبي عليه ..مافي احلى من السمرا وخصوصا لما تكون كلها ثقه بنفسها ... عمرك...

))حافية القدمين(( :

موضوع راااااااااااائع يعطيك العافيه حبيبتي

موضوع راااااااااااائع يعطيك العافيه حبيبتي