..
..
السلام عليكم ورحمة الله وبركاته
السالفه ومافيها حبيباتي اني كنت اتضايق لما اسمع عن وحده تزعل ولا تبكي لاماجاها ولد أو خلفت بنات ورا بعض .. كنت أزعل منهم واقول ليش مايبغون البنات والله انهم ازين من الاولاد .. وبالفعل انا احب البنات اكثر ..لكن الله العالم اني اتمنى لكل احد ان ربي يرزقه مايحب .. يعني اللي عندها بنت ادعيلها تجيب ولد .. واللي عندها ولد ادعيلها تجيب بنت .. لكن ما احب اسمع ان احد زعل عشان جاه بنت .. ومااا يقهرني الا اذا جابت وحده ولد فرحوا وتباشروا ويهنونها من قلب ويرفعون معنوياتها .. واذا وحده جابت بنت حتى لو بكريه هنوها ببرود ولازم يقولون معاها ماعليه والله ان البنات زينات << كأنهم يصبرونها وهذي حقيقه اجتماعيه لايمكن نكرانها ابدن بتاتن البته
اللي حصل اني انا عندي بنت ربي يحفظها ويحميها ويرزقني برها وصلاحها .. وحملت بعدها على طول ومع اني اموت في البنات الا اني تمنيت الولد .. عشان افرح زوجي اولاً وعشان مايجلسون الحريم على راسي .. زيدي احملي وجيبي اخ لخواته << دااااااااايم اسمعها وتقهرني
المهم رحت سويت سونار ووصيت الدكتوره اذا بنت تقول مو باين واذا ولد تقول هذا طبعاً لأن زوجي معايه وبيسمع .. مادري ليه سويت كذا بس مادري وش الإحساس اللي جاني .. مع ان زوجي يموت على بنته زيه زي اي اب .. بس حسيت انه بيزعل لو جبت بنت ثانيه .. مو اعتراض بس يمكن بيتحسف عالولد خاصه ان اغلب اصحابه واقاربه خلفتهم اولاد ..
بالفعل كشفت الدكتوره واشرت لي بدون مايشوف زوجي وعلمتني انها بنت وقالت قدامه مو باين ..
مو هنا المشكله .. المشكله فيني .. انا اللي زعلت وتحسفت وشوي ابكي في السياره بس ما ابغى ابين لزوجي مع انو جاني احساس انه عرف ..
ادري بتقولون نفس الكلام اللي كنت اقوله ..ليش تزعلين واحمدي ربك غيرك يدور الخلفه عند ربي دواره .. والبنات نعمه وووووو << كنت اقول كذا واكثر من كذا والحمد لله لحد الحين مقتنعه بهالكلام ..
بس الحقيقه اللي ولا وحده فينا تقدر تنكرها انا من جد نخاف نخلف بنات ورا بعض .. والحرمه يجيها هاجس الولد وتخاف ماتجيبه لعدة اسباب .. منها رضا الزوج .. يعني حتى لو حب البنات هيه نفسها تحب تشوف الفرحه بعيونه لما تجيب له الولد .. والشي الثاني ان اللي تجيب بنات تجلس تحمل وتتعب تدور الولد .. اما اللي تجيب اولاد تريح كم سنه ..
استغربت من نفسي يوم حزنت عالولد .. لكن حسيت ربي بيعلمني درس عشان ما ألوم اي ام تتلهف على خلفة الولد ..
في النهايه ربي يرزقنا السليم المعافى الصالح من أولاد وبنات ويبارك لنا في رزقنا
اتمنى تناقشون الموضوع بواقعيه بحته .. يعني حقيقة حب الأولاد لاااايمكن انكارها .. مع الرفض التام للإعتراض على عطاء الله بالصراخ والبكاء الشديد والحزن المفرط اذا لم يهبنا الله الذكور .. وانا والله رغم اني تمنيت الولد وحزنت يوم عرفت انها بنت لكن ما اسأت الأدب مع الله وجلست اردد الحمد لله الحمد لله ..
هذي سالوفتي واعطوني علومكم وشكراً :)
<< شطحه .. وش رايكم بأسم درر افكر اسمي البنوته الجديده الله يجيبها بالسلامه
وسلامتكم
..
يبه شلونكـ @ybh_shlonk
عضوة نشيطة
يلزم عليك تسجيل الدخول أولًا لكتابة تعليق.
ضبياا
•
سميها فرح
ربي يفرحك ببعدها بالولد
كلهم حلووووين وربي اتمنى الولد اكيد
واتمنى البنوته اكيد
البنوته حلوه يا زينها البسها امشطها اتفنن في لبسها واختياره لها
اتفنن في تسريحات شعرها يااااحبي لك يا بنتي ياللي ما بعد شفتك
اتمنى يجي العيد وهي معي افرح بيها وتلبسها امي مثل لبس خواتي وبنات اخواني
ياااااااااااااااااااااارب ما تحرمني هاللحظه
الله يهون عليك ويقومك بالسلامه
ربي يفرحك ببعدها بالولد
كلهم حلووووين وربي اتمنى الولد اكيد
واتمنى البنوته اكيد
البنوته حلوه يا زينها البسها امشطها اتفنن في لبسها واختياره لها
اتفنن في تسريحات شعرها يااااحبي لك يا بنتي ياللي ما بعد شفتك
اتمنى يجي العيد وهي معي افرح بيها وتلبسها امي مثل لبس خواتي وبنات اخواني
ياااااااااااااااااااااارب ما تحرمني هاللحظه
الله يهون عليك ويقومك بالسلامه
احن لها
•
وعلى فكره اسمم درر حلو مميز وغريب الله ييسر لكوعلى فكره اسمم درر حلو مميز وغريب الله ييسر لك
معك حق ..
انا يوم كنت حامل تعبت مررره ودخلت المستشفى وترقدت , المهم اذكر اختي كانت تقولي
يهون التعب الي حسيتي فيه كانك حامل بولد !
يعني حسافه التعب اذا كنت حامل في بنت مثلا !!؟
استغفر الله اذكر قهرتني يوم قالت كذا بس سكت ماقلت لها شي وهي عاد كل خلفتها بنات
وفعلا انا ما انكر اني اتمنى اجيب الولد اكثر شي عشان زوجي واهل زوجي والمجتمع بشكل عام
لكن في نفس الوقت بيضيق صدري بعد لو كانت كل خلفتي اولاد ..
وفي النهايه كلهم نعمه ورزق والله مايحس بقيمته الا المحروم ..
الصفحة الأخيرة
بس عجبني اسلوبك ماشاء الله وكلامك صحيح ان كثيير يحبون البنات بس صح
يخافون من هاجس الولد
وكلام الناس مايخلص حتى لو ذريتك كلها اولاد يقولو الله يعينك ويرزقك البنت
الي تحن عليك وتساعدك يعني في النهايه ماراح نخلص من كلامهم
والي عنده البنت يبي الولد والي عنده الولد يبي البنت بني ادم طماع
وانا عندي ولد وحامل الحين واتمنى البنت من كل قلبي بس ماراح ازعل
اذا كان ولد لان الحمدلله على نعمة الذرية اولا واخيرا
والله يصلحهم ياااارب ويسهل ولادتك وولادتي يااارب