درس من حياتي

قصتي حياتي حسيتها جهد وجهاد لكن بالنسبه لبعض الناس عاديه لانه ماعاشها
انا بنت بين اولاد كبرت في المتوسطه كنت اقرا كتب كثير واقرا قران وبديت احفظ منه 12جزء لحالي مع اني ماكنت في تحفيظ في الاعت ثانويه يمكن بدت معاناتي النفسيه من القلق والاكتئاب ومعاملة امي القاسيه ومشاكلها مع ابوي اكبر مشكله في حياتي علاقة امي وابوي اللي اثرت في نفسيتي بحكم اني وحيده بين اولاد وسبب لي اكتئاب ووحده وقلق حاولت اعالجها بالقران وريح نفسيتي القران لكن طبعا دوام الحال من المحال كان مهون علي وحدتي ان عندي صديقات تخرجت من الثانويه يتقدير ممتاز عشان اخذ التخصص اللي ابغاه وابعد عن مشاكل البيت ومعاملة امي وقدر لي اني ادخل كليه بنفس محافظتي وغير التخصص اللي بغيته جاتني خيبة امل كبيره واحباط ويأس اني رح اظل مع مشاكل البيت وصرت مااهتم بدراستي نهائي حسيت اني تعبت من الحياه وتكاسلت عن كل شي وصرت احب النوم حتى ماافكر بشي وارتاح ونسيت اللي حفظته من ااقران وعلاقة امي وابوي في زياده اذكر تمر فتر اشوف كل هواش بين امي وابوي وصرت اتمنى انهم يطلقوا عشان ارتاح من ابوي يهاوش وامي ترد الكل يحط اللوم ع الثاني وكنت متعرفه على صديقه كانت بشات وبديت اراسل شباب خطوات الين صرت اكلم
انا الان اتذكر كيف كنت افكر لما كنت اكلم
كنت اقول ابي اكلم عشان احس بشوية سعاده وحب وحنان كنت محتاجه بعد خالتي اللي تزوجت وانشغلت بعد ماكانت اقرب شي وارتاح معها يالله لهالدرجه وصلت اني اتمنى شويه سعاده حتى لو وقتيه وكانت المشاكل تزيد والضغط علي يزيد كنت اتمنى امي وابوي يتطلقو عشان ارتاح وامي دايما وجهها عابس وعصبيه من مشاكلها وكل شي تفرغه فيني كانت تمر فتره كل يوم مشاكل وامي ترد وكل واحد يحط اللوم ع الثاني اذكر مريت بفتره ايامها سودا بكل معنى الكلمه اعتزلت الناس اكتئبت مافي حضن اشكيله وافضي مشاكلي كانت خالتي ارتاحلها والحمدالله قبل اتخرج تركت المكالمات كانت عندي صديقه بالجامعه تعلقت فيها اغار عليها ماكنت اشكيلها وطبعا تخرجت وجلست في البيت ولكم ان تتخيلو ان الجامعه كانت المتنفس الوحيد لي بهالفتره انفجرت وكثر الضغط علي وبطلت اصبر وزياده ع كذا كانت امي تضغط علي فوق الوحده والكآبه اللي انا فيها تقولي بنات الناس تزوجوا الا انتي مااحد يبغاك ومن هالكلام اللي يجرحني وكرهني بامي وبعد كذا خطبني صاحب اخوي وفرحت لين الحين اتذكر فرحتي يوم سمعت امي تقولي اللي مافرحتها بعده وبعد كذا ماصار نصيب ولي ولد عم يحبني من طفولتنا وكان يطلب من ابوه يخطبني له بس عمي يقول لما تتوظف وخطبني ولد عمي غيره وتهاوش معه ماياخذني وعرفت بكل هذا
بعد ماتملكت خطبني بعد كذا انسان من اقاربي بدون وظيفه قالت لي امي واول كلمه قلت له بس هو بدون وظيفه ومافرحت يالله معقوله انا اتزوج واحد بدون وظيفه وزارونا بالبيت وقلت موافقه و بعد كذا فكرت وقلت لامي قوليلهم ماني موافقه انا انسانه طموحه مستحيل اخذ واحد ماعنده هدف بالجياه احلامي في زوج المستقبل راحت وانتهت ابغا مدرس او ضابط اوووو احلام ع الفاضي ردت علي امي انه ماتقدر ترجع في كلامها مع الناس وسكتت لان الزواج لي خيره لو ماتزوجت رح اظل في مشاكل اهلي وفي الوحده اللي انا فيها ورح تظل امي تعايرني بان الكل تزوج الا انا وسكت وانا ماودي الزواج وصرت عصبيه كثير وابوي الله يخليه لي قالي اذا ماتبينه نقولهم بس سكتت عشان ابي اتزوج واخلص ابوي طيب وكان مدلعني لاني بنته الوحيده بين اولاد بس امي ماعرفت تخليه يحبها تزوجت انسان طيب العشره وكريم ويحبني وكان اول زواجي مشاكل طبعا والحين انا اعشق بيتي و احبه لكرمه وطيبه معاي بس مشكلتنا الاولى والاخيره الوظيفه
وحياتي هذي كلها يااخواتي اثرت في حياتي الزوجيه
1 صرت انسانه دائما مبتسمه لزوجي واكره العبوس حتى اقول لزوجي لاتعبس بوجهي احب ضحكتك
صرت اهون امور الزعل وما اخليها تطلع لاهلنا
اطنش واصبر واكره المشاكل ولا ارد ع زوجي اذا عصب وكل كلمه تطلع مني بحساب عندي
ومعاملتي لزوجي معاملة انسانك لقت رفيق حياتها اللي تلجا له بوقت حزنها
والله رزقني ببنت واخت لها عشان ماتكون وحيده
وعلاقتي مع امي خف التوتر
والحمدالله رب العالمين