السلام عليكم ورحمة الله وبركاته
مبارك عليكم شهر رمضان خواتي
اليوم بكتبلكم طريقه pigment pressing إلي من اسبوعين وانا ماعندي شغله غير اتسلى فيها ^_^
شو يعني pigment pressing؟ اذا ترجمناها بشكل حرفي معناها ضغط الايشدو الي على شكل بودره ...ليش؟ علشان نستخدمه حاله حال الايشدو العادي و نحصل كمية لون اكثر ..واتوقع كل الي يشتري من ماك يعرف شو يعني eye shadow pigment ..وهاي صورة البقمينت الي من ماك
(مش تصويري من موقع)
احلى مافيهم اللمعه الرهيبه بعضها لمعته قويه و البعض لمعته عاديه..الي من ماك لازم تخلطينهم مع شغله اسمها Mixing Mediums تنباع في ماك (مثل فكره اللمعات الي في ميك اب فور ايفر والجل المثبت)
وانصحكم تاخذون بقمينت اسمه VANILLA هذا البقمينت رووووعه
تقدرين تستخدمينه كاضاءه تحت الحاجب او على عظمة الخد وعلى الانف تقدرين تمزجينه مع كريم الاساس ويعطي كل ويهج لمعه خطيـــره <==== اسالو مجرب ^_^والفانيلا بقمينت الي بيكون تطبيقنا اليوم عليه
بس لحظه بنات في شغله ودي تعرفونها قبل الدرس:
احب اقولكم اني تعبت تعب مش طبيعي على هالدرس والله العظيم اني قاعده على الكمبيوتر من الساعه 5 الفير لين الساعه 10 متواصل علشان اخلص الدرس و انزله لكم ونستفيد كلنا (من تصوير و تظبيط الصور و تطبيق و كتابه)
لوسمحتي يلي ناويه تنقلين الدرس انا ماعندي مشكله بس خلي الاسم على الصور ولا تحاولين تغيرينه بليز
...(للعلم انا عطيت ربيعتي هالدرس تنزله باسمها في منتدى نسائي ثاني) يعني هي الوحيده الي غيرتلها الصور باسمها..احم احم مابطولها و هي قصيره (الحمدالله يوم حسيتي
)بس والله بقول شغله اخيره
..أنزين..بسرعه...(الصور وايد ويمكن تحسون الشغله صعبه بس هي سهله و مابتاخذ غير 7 او 10 دقايق)اوكي خلصت
الشغلات الي بنحتاجها:
اي نوع كحول عندج (تقدرين تشترينه من الصيدليه او من الجمعيات او كارفور) الي عندي بـ8دراهم بس
سكين رفيعه او مشرط (افضل مشرط بس اليوم ما لقيته ماعرف وين سار -_-!)
شوكه(نصيحه تكون شوكه قديمه لانكم بتشوفون شو بيصر فيها مسكينه)
ملعقه ( يعني خاشوقه صغيره خخخخخخ
ممكن تستخدمين خواشيق الايسكريم اي خواشيق الشاي الصغيره)شمعه(اي نوع مب مشكله)
علبة ايشدو قديمه (على فكره ايشدو ماك مدة صلاحيته 6 شهور مب تستخدمينه اكثر من جذيه و تظرين عمرج)
البقمينت الي ناويه تظغطينه (بعد ماكتبتها حسيتها غلط -_-!) وسعر البيقمنت 102 درهم
شريط مغناطيس ( هو الاسود الطويل الي في الصوره هذا تحصلينها في المكتبات غير عن المغناطيس العادي العريض هذا تقدرين تقصينه بالمقص والطرف الثاني ستيكر تقدرين تلصقينه على اي شي وفي اشكال ثانيه منه سعر الشريط الواحد 5 دراهم)
هذيلا الي صورتهم وبعد ماصورتهم اكتشفت اني نسيت اصور شغلات ثانيه بنحتاجها بس تشوفونها في الدرس مثل:
باليت الايشدو من ماك( علشان تحطين فيها الايشدو سعرها بروحها بـ68 درهم) ممكن تستخدمين اي باليت عندج
الشبابيص السود الصغيره
ورق ابيض (الي نستخدمه في المطبخ عشان يمتص الزيت عرفتوه؟)
كوايه الشعر السيراميك او سشوار
الخطوات:
أول خطوه نطلع علبه الايشدو الصغيره بالسكين او المشرط (لاحظي هالخطوه في الصور)
مثل ما تشوفون بعدنا ماوصلنا حق الجزء الي نريده
هنيه ايي دور الشمعه و الشوكه حطي الايشدو على الشوكه و سخني العلبه على الشمعه لين مايذوب البلاستيك الاسود (عشان تسخن تاخذ اقل من دقيقه)
جذيه المفروض يكون شكلها... انحرق البلاستيك لحد ماوصلنا للعلبه المعدن و هي الي نريدها
اضغطي على الجزء الحديد بالسكين لتحت و بالشوكه على الجزء البلاستيك لفوق علشان نطلع الجزء الاخير
تااااتااااا ^_^
الحين تبدا الوناسه
هاتي الشباصه السوده و ولفي صوب واحد بس نفس ماسويت انا
وطلعي الايشدو (لاتستخدمين سكين او شي حاد علشان ماتخربين قاع الحديد)