دروس للبنات فقط....يامتزوجات راحت عليكم ولا اقول حياكم

مااقدر اقولكم متى عرفتها..يمكن من فترة ليست بالبسيطة... طبعا هي صحبتي..وقريبة لنفسي

جدا...
جمالها جمال عربي وحشي..عيون وسيعة...جبهة عريضة ..انف مستقيم ....شعر اسود فاحم

الجمال العربي اللي يستوقفك ويسترعي انتباهك...

ولكن؟؟؟؟؟؟؟

واااااااااه من لكن

كانت ضحية لاب وام انفصلوا فس سن مبكرة..مخلفين اربع اطفال...بنتيين وولدين...

طبعا كانت ظروفهم سيئة لدرجة لايعلمها الا الله...

قلة المصروف ...وقسوة الاب ..وبعد الام....

لدرجة انها تحكي لي ان اخاها كان عند امه وكان مريض ومسخن ..قالت له الام روح لابوك يوديك المستشفى

وكان البيت قريب في الحي نفسه..طبعا خافت ان زوجها يتخاصم معاها عشان هالولد...

قالت له روح لابوك........

وخرج الولد ومن شدة السخونة....اخذ كرتونة في الشارع ونام عليها..والاب يظن انه عند امه

والام تظن انه عند ابوه...والولد للان يقول عمري مااقدر اسامح امي على هذا الموقف

الناس شالوه من الشارع ووصلوه لبيت ابوه........

ومرت الايام ...وكبرت صحبتي ووصلت الجامعة وفرحت بمكافاة الجامعة وكانت تصرف منها على

اخوانها الصغار ..لان ابوهم ماكان يعطيهم ولا ريال....

وانحرمت من طفولتها ومن شبابها..كانت ماتصرف ولا ريال من المكافاة على نفسها او تشتري

كماليات...بالعكس كان هذا هو مصدر رزقهم الوحيد....

طبعا صحبتي كرهت ابوها وامها وكرهت الدنيا كلها....وعانت في حياتها اشد معاناة...

وطبعا جاها زوج وهي في اولى جامعة......عمره 60 سنة....وغني ...وعد ابوها انه يسعدها

ويتكفل بيها وبااخوانها...

اول ماسمعت صحبتي هالكلام........طارت من الفرح وقالت لابوها انها موافقة...والاب طبعا

كان يبغى يخلص منها ....ماعنده مانع...

امها اول ماسمعت الخبر صارت تبكي وتترجاها ماتقبل ...بس هيهات

الان جيتي ياامي تبغي تمنعيني اتزوج شخص راح يساعدنا ويصرف علينا ويرفع من شأننا....

فينك من زمان ياامي.........

طبعا طنشتها ووافقت....

وهم من الناس اللي ماعندهم شوفة شرعية ولا كلام فاضي...

على طول ملكة ودخلة في نفس اليوم...

وخلال اسبوعين ....من الخطبة صارت زوجته شرعا

طبعا كان الرجال متزوج 2 قبلها...وهي تعرف بس ماهي فارقة معاها.....

واول مادخل عليها البيت.البنت اتفجعت وخافت.كان شايب وعجووووز

حتى لحيته ماصبغها..صارت تبكي بشكل هستيري وهو يحاول يهديء عليها....

واستمر الحال على كذا لمدة شهر..كل مايقرب منها تتشنج وتبكي بكاء مو طبيعي وتغيب عن الوعي

تقول لما شفته طلع اكبر من ابويا..ومستحيل اخليه يلمسني او حتى اعتبره زوج

انا اشوفه مثل ابوياااااااا

وبعد شهر بس طلبت الطلاق وخرجت من بيته بكر ........

وحسبت عليها زيجة

بعد كذا كملت دراستها الجامعية واتخرجت...

اخوها الكبير جاته حالة نفسية وصار يتعالج في مصحات واختها اتزوجت ..واخوها الصغير كمل دراسته

واتفوق...

وهي جلست 5 سنوات او 6 مااتقدم لها الا متزوجيين ..واهلها بعد اللي صار رفضوا يزوجوها

لمتزوج لو تموت...

ولقت لها شغلة صغيرة صارت تصرف على نفسها وعلى اخوها الصغير....

وفي يوم من الايام اتقدم لها شخص مطلق....اهلها وافقوا على طول وفرحوا بيه...وهي كمان

فرحت...لانها تموت حب في الاطفال وحمدت الله انها خلاص راح تتزوج وتنجب...

وهالمرة قالت لابوها لازم اشوف العريس ..ماتزوجني بدون شوفة...

وابغى فترة خطوبة اعرف فيها الرجال...ابوها وافق على طول

وفعلا عملوا حفلة خطبة بسيطة ....وشافته وشافها

شفتها ثاني يوم كانت مبسوطة جدا وتحكي لي عن كل شيء صار...بالحفلة...

ووعدتني تجيب الصور عشان اشوفها....

وبعد اسبوعين ..سألتها عن الصور..قالت لي معليش مااقدر اجيبها..فلان منعني ان احد يشوف

الصور...

قلت اهم شيء ربي يوفقها......

وصارت لي مدة مااشوفها ولا اسمع عنها..

قلت اتصل عليها.وفعلا اتصلت بس مااحد يرد عليا....

بديت اقلق ...وبعدها ب 3 ايام اتصلت عليا...

قلت لها وينك شغلتيني؟؟؟

قالت كنت في المستشفى...

قلت لها:ليش سلامات...

قالت ماراح تتخيلي وبس اشوفك احكي لك.......