وأنا ابي اعرض لكم دروع سويتها من الفلين سهله وبسيطه
وقبل تطلعون من موضوعي يااااااااااااليت تعطوني افكاركم في الاستفاده من الفلين
>>>>هذا هو الشررررررررط
مديرة المدرسه طلبت مني أزين المدرسه بلوحات جديده
قمت وجمعت كل اللوحات الفلين واللوحات الخشب القديمه اللي في المدرسه عشان أعيد استخدامها
وأستفيد منها في أنتاج لوحات وأعمال جديده
الى الان استفدت من 3 لوحات فلين وباقي كثير من الخشب والفلين :09:
أبي أفكااااااااااااااااااااار لو سمحتوا لأن المديره معلقه علي آآمال كبيره
والحين أخليكم مع الدروع :)
طبعا أنا قصيتها ورشيتها بالالوان وزينتها بالاصداف ( لانها الخامه الوحيده اللي متوفره بكثره عندي )
عملت تعتيق للورق وأحرقته وطبعت عليه عبارات شكر وتقدير وكتبت اسم الطالبه وأسم المعلمه
الصور نزلتها قبل التغليف ،،،،، لان التغليف اللي عندي لا يتناسب مع الألوان بس أن شالله بعد التغليف بتكون أحلى
هذي هي الصور
بالبدايه قصيت الواجهه الاساسيه ،، من تحت مستطيل ومن فوق مثلث ( طبعا كلها قطعه وحده من غير تقسيم) رقم 1
بعدين القاعده رقم 2
بعدين القطع المستطيله الرفيعه فوق الواجهه الرئيسيه اللي هي رقم 3
لصقتهم بالصمغ الحراري وبعدين رشيتهم بألوان مختلفه ــبالاول رشيت الاساس بيج
بعدين اللون اللي فوق رشيته بشكل رتوش وطلع شكله متدرج حلووووووووو
بكذا استغليت لوحه من لوحات الفلين القديمه :)
وأبي منكم أفكار أكثر واكثررررررررررررر
وأحجامهم وسط لا صغيره مره ولا كبيره
تقدرون تسوونها بأحجام صغيييييييييييييييره مره مره وتقدم مع هدايا المولود
او تصلحون دروع كبيييييييييييييره مره مره وتقدم كهدية زواج او تخرج او اي شي
والتزيين يرجع لذوقكم الخاص
انا زينتها بالخامات المتوفره عندي ولو كان عندي خامات اكثر بتطلع أحلى