دشووو عفياااا ابي قلبي يرتاح واحس ان انا مو غير :(

قوووه صبايا شلونكم شخباركم ...

بخاطري أطلع اللي بقلبي واحد يسمعني وينصحني بما أن اول مره اكتب موضوع وانا توني يديده عالمنتدى ...
مابي اطول معاكم وايد بس يريت تعطوني كلام يطيب الخاطر وتفهموني ... أبي اعرف انا صح ولا غلط وهالشي طبيعي ولا لا ...

ببدي معاكم ..
بصراحه في اشياء مضايقتني من زوجي معنه حرام اهوا طيب وقلبه طيب ولما يزعل بسرعه يرد بس المشكله لي
زعل ان يقهرني كل شي يفهمني غلط ويسب كلام كبير اتضايق منه مابي يتعود يقوله جدامي لان عيب ويجرحني وتقريبا من تزوجنا 4 مرات مد ايييده علي ويرجع يتأسف بس الحين قام يحاول ما يسووويها لان كلمته عنها صار اهوا بروحه يقولي لا تنرفزيني عشان ما امد ايدي لان انا ما احب امد ايدي عليج بس وايد يفهمني غلط واهوا عصبي حييييل وكل ما اراضيه لما نتزاعل وأيي اراضيه يقولي قلتيلي هالكلام من زمان يااااربي شسوي عيل اخليه زعلان ؟؟
اللي مضايقني حيل ان لما يعصب مثلا ونكون بمكان عام ينسى الناس وساعات انحرج يشوفونه يصرخ علي ياربي لو انتي بمكاني شتسوين مو تنحرجين وياما قلته الناس بتفهم غلط بيقولون شمسويه هذي وهم يعيدها ..
ابيكم اتساعدوني شلون اتعامل مع الريال العصبي ياربي ان سكت ماعجبه وان تكلمت ما يعجبه وكله انا الغلطانه وساعات احسه ان يظلمني وانقهر لان يكون فاهم غلط واكبر غلط فيني ان لما يفهم غلط اكلمه وانا منفعله وبطريقه نزره لي درجة ساعات يقول لاتخليني اكرهج انتي بنت ما تصرخين علي وكل ما يعصب يقول انا ريال علبالج انا واحد من ريايييلكم لا حطي بالج ترى احنا غير ؟؟ بالله هذا كلام لما اقوله عيب تقول جذي يقول انا اقصد لما تكلمين ابوج بهالطريقه حاجيني جذي معنه يفهمني بس مادري ليش احس ان انا تعبانه منه يا بنات والله ان انا عصبيه واهوا عصبي بس انا من خذيته راحت مني هالاعصاب وخفت بس الوحده ساعات تمل من الواحد اللي كله يفهمها غلط وسااعات والله اكون انا بسويله مفاجأه او بقوله شي ينقلب كله علي واللي بصراحه يعصبه اهوا حيل ان انا ما اعرف اعبر واعتذر واقول كلام يطيب خاطره كله يقولي تيييني جنج ريال تعصبين وماتكلمين كلام هادي سنع ياربي شقوله لما يزعل علي ؟؟؟ شنو الكلام اللي يحبونه الريايييل وولا تقولولي تكشخي وتعطري كل ما اسوي جذي يقول لا تييين تقصين علي بهالحجي ابيج تعرفين اتحجين تعبرين حتى لو اكون ظالمج تحجي .. بنات والله ساعات يشوفني يختربني اسكت عن حقي ولا لا ومره سكت عن حقي عصب قال ليش تسكتين اذا لج حق اخذيه مابيج تسكتين ..


يا بنات اهوا طيب وما يردلي طلب ويحبني ومدلعني حرام الصج ينقال بس انا اتعب تحوشني حاله ان اوخر عنه والله مادري شقول ومادري شخربطت ساعدووووووني بس ريحوني قولولي تحجووو عفيا يابنات مالي غيركم وانتو فوق الراس من اقرا كلامكم عند بس المواضيع وشكرا واسفه طولتها