أنا أستخدمت الخاص لحب الشباب والله أحترق ويهي قلت يمكن عشان أول مرة
واستخدمته ثاني مرة وبعد أحترقت . واستوى عند خدي مثل الحرقه..

يا خسارة الفلوس

مارميته .. عطيته للخدامات

أنا جربته هو للرؤوس السوداء بس
مش لحب الشباب او الحساسيه
بصراحه هو زين بس مايشيل الرؤوس بالكامل
يخفف منها وهو للاستخدام اليومي يعني
لو تركته كم يوم ترجع تبين الرؤوس السوداء
لانه انا بشرة خشمي دهنية واايد
بس لازم تدلكين خشمج به عدل انا كنت احس بشويه حراره بس مش وايد
وطبعا يختلف من بشرة لبشرة ..

ان شا الله اكون افدتج

انا الصراحه مااستخدمته بس صديقتي استعملت الغسول الخاص لحب الشباب
وزاد الحب بوجهها من اول مره استخدمته
انتبهي انتي تقولين بشرتك حساسه

اولا في نوعين , واحد عباره عن مقشر للرؤوس السودا وهذا ينحط على الوجه كامل
وتفركين وجهج فيه شوي شوي وبحركات دائريه , أنا صار لي فترة استخدمه لأن منتجات نيتروجينا وايد اتناسب بشرتي , ماقولج هو شل كل الحبوب السودا بس
ينظف ويخفف منها :16:

والنوع الثاني عباره عن قناع يعالج الحبوب السودا وهذا ماينحط الا على منقطة ال T Zone ( الجبهه , الأنف , الذقن ) , ونفس الشي يخفف الحبوب السودا بشكل ملحوظ

ثانيا وهذا الاهم , منتجات نيتروجينا اتناسب اكثر شي البشرة الدهنية
اذا بشرتج حساسه جربي منتجات روك او الهمالايا