دشو وشوفو أحلى طبق

الشورما السريعة بالجباتي:
هلا وغلا بكل إلي دخل... حبيباتي هذي أسرع شورما انه سويتها بحياتي.. سهلة و سريعة ولذيذه..وما يبيلها شغل وايد..
المقادير:
في بأي جمعية يبيعون (شاورما لحم بقري"ألذ وأطعم")جاهزة ماركة أمريكانا...
وبعد في يبيعون (جباتي) ماركة ساراكيك...ترى حده لذيذ وسريع بالقلي...الطريقه:
حمسيلج على الجوله بصل مفروم و فلفل بارد مقطع صغار وشوية فلفل أسود مطحون وشوية ثوم مطحون وماجيه وحده...بعدين حطي الشاورما وحمسيها معاه راح تشمين ريحته إتهبل وتشهي...وبعدين ييبي الجباتي و صبي بالمقله شوية دهن قلي"شوي بس مو زيت غزير " وقلبي الجباتي فيه لمن يصير لونها على أشقر أو بني شوي...
وبعدين يكون عندج طحينه ولي ماعندها ترى سواتها سهله(قوطي روب وهرده وشوية ثوم مطحون وليمونه وبس) دهني الجباتي بالطحينه وحطي الشورما لفيها بالجباتي وقطعيها قطعتين وبألف عافيه على قلوبكم إن شاء الله...