دعاء امي علي قبل الزواج

السلام عليكم ..
كيفكم ..
عندي مشاكل كثير من ناحية زوجي ومن ناحية اهله ومن اهلي ومن نفسي ..
وانا اشوف ان ثلاث ارباع المشاكل بسبب شخصيتي الضعيفه ومااتكلـم مع الناس لإني مااعرف يعني رهاب اجتماعي ..
زوجي عصبي دايما يشتم ويهين ويصرخ لإتفه الاسباب واشوف انه يكرهني ، بسبب تحريش اهله ، كل يوم يومين واحنا متزاعلين ونتهاوش ، كرهت حياتي معاه ، دايم اطالع المتزوجات بحسره احس انهم مبسوطات الا انا ..
ولا اقدر اتطلق لإن اهلي مو طايقيني انا وولدي لانه شقي ومو قادرين يتحملونا ،
واهلي ما يجتمعون لانهم مفككين كل واحد في غرفه يدوب وقت الغداء ، وانا مو متعوده اسولف حتى مع اهلي بس ساكته .. كنت وحيده حتى فالمدرسه ماعندي الا صديقه او ثنتين وكأني قاعده على قلوبهم ،
من وين انتهي بس ، اكبر مشكله عندي حاليا هي زوجي لاني احس انه كارهني ، واهله مايصدقون بهالشي ويزيدون النار حطب ، تعبت ماني متوفقه
وانا صغيره كانت امي اذا عصبت تدعي علي ( الله يسلط عليك الله يسلط عليك )
ويوم انخطبت وعصبت مني دعت علي الله يسلط عليك زوجك ..