دعاء عجيب..والله ماقد قلته إلا ربي يسرها لي..

السلااام عليكم ورحمة الله وبركـــاته

بنـــــــات من كم يوم قريت موضوع بالمنتدى لأحد الخوات

جزاها الله الف خير..

عن فضل دعاء إللي يقوله 100 مره باليوم بنيــــه صادقه وعنده ضيقه ربي ييسر له من ضيقة مخرجــــــاً..
حفظت الدعاء لأنه بالمررررره سهل ولا هو طويل وينحفظ بسرعه

المهم
أمس كان عندي اختبـــــــار المنهج طويل مرررررررررررررره والله طويل وصعب لأنه يبي له مذاكره اكثر من يوم..وأنا ذاكرته بليله وحده..
ذاكرت فقط بدون مراجعه..
رحت للجامعة وطبعاً كنت متوتره لأني ماراجعت ونسيت كل شييييييي
تذكرت دعاء الأخت اللي كنت حافظته بس مابعد اردده وصرت اردده بالطريق وبقلبي وانا ماشيه وانا جالسه وسبحان الله حسيت اني هديت وقدرت اراجع بسهوله ويسر
المهم صرت اقراه الى ماجاء وقت الاختبار وتوزعت الاوراق وسبحان الله ...صار عندي الاختبار اسهل من السهل لدرجة أجاباتي كلها كاملـــــة المهم وقفت عن سؤالين وصرت اكرر الدعاء والله ماأكذب عليكم أني تذكرت اجابة السؤالين وحليتهم والحمد لله طلعت وأنا حلي 100%

طيب نجي لموقف اليوم
طبعاً ذاك الاسبوع قدمت اختبار زفت في احد المواااد...
المهم اليوم الدكتور بيعطينا الدرجات ومتوقعه درجتي ازفت من الزفت وصرت قبل ماارح للجامعة اردد الدعاء وانا بالجامعة اردده وبرضو بالقاعه اردده بصراحه بدون مااحسب كم مره رددته جاء الدكتور <<<اسألة هالدكتور صعبه معروف
قال درجات البنات زززززفت اكثر من نص القاعه ماخذين اقل من نصف الدرجة طبعاً توقعت درجتي 9 او 10 من 25 على حلي الزفت
صار الدكتور يقول الدرجات والله ماأكذب عليكم ثلاث ارباع البنات مهوب نصهم درجاتهم ززززززززززززززززفت من 11 و13 و14 من 25
وقلت مدري كم بيقولي وسبحان الله صارت درجتي 17 الحمد لله ...طيب خذيت الدرجة وصرت اردد الدعاء مازلت بعد كذا تناقشنا مع الدكتور على درجاتنا الزفت وتخيلو <<الدكتور مهوب سهل قال بيعطينا سؤال اخر المحاضره الجاية من 5 درجات وطبعاً سؤال سهل..
وبكذااا ربي فرجها لي وصارت درجتي 22 من 25 وش رايكم ....

سبحان الله وبفضلة تتم الصالحــــــــــــــات

اكيد متشووقين لدعاء تعرفونه...

الدعاء هو:
(لا إله الا الله الملك الحق المبين)100 مره

كذلك دعاء يونس عليه السلاااام
لا إله الا انت سبحانك أني كنت من الظالمين)100 مره

وأنا الحمد لله استغفر دايم...وترى الاستغفار يفرج من الضيق

يابنــــــات والله هالدعاء ...عجيب ...سبحان الله

رددوه دايم والله يفرج عنكم بإذن الله
أهم شي النية الصادقة ...وحسن الظن بالله...عدم الملل واليأس من رحمة الله

وجزاها الله الف خير إللي كتبت عن الدعاء والله يارب يحقق لها اللي في بالها..ويجعل من ضيقها مخرجاً ..ويرزقها الجنـــــــــــــــــــة وأياكم

بنات جزاكم الله الف خير...
أدعو إلى أختي ام عبد الله...
جتها عين من سنتين بزواج اخوي وتخيلو طاحت بدون سبب على فراشها بدون مرض ولا شي ماتقدر تمشي والسبب الحسد لإنها جميلة مرررره وحسدوها بجمالها
بس الحمد لله صارت تتحسن مع الدعاء والقرآن...بس من تمشي اكثر من نص ساعه تتوجع وتبكي وتجلس عقبها ماتمشي يوم او يومين..تخيلو عندها طفلين وعمرها 25 توها صغيره ..وحالتها النفسية زفت على إللي جرى لها
جزاكم الله الف خير ادعو لها عن ظهر غيب..بنية صادقة الله يخليكم ويجزاكم الف خير
تخيلو سنتين وهي على ذا الحال ...ويارب يبعدكم عن الحسد واللي مايخافون الله
ويعافيها يارب