وخاصةً بالنسبه للعلاقة الزوجيه ...التي يجب أن تدوم فيها الرومانسية منذ الليله الاولى الى آخر العمر.. فالتجديد في الحياة الزوجيه امر ضروري
فـ( نحن من نخلق الرومانسية في حياتنا وليست هي من تخلق نفسها بيننا )..
فلكي تعيدوا إحياء تلك الليالي الحالمه ..
وتسترجعوا بريق الحب الذي اختفى ..
قوموا بإشعال حبكما من خلال ليلة رومانسية.....
وذلك بطرق كثييييره منها على سبيل المثال:
.. : 1- سفرية خاصه بين الزوجين ويصرفون عيالهم عند احد ثقه لمدة اسبوع .. هذي تعتبر بمثابة الطاقه لهم وماتتصورون انعكاسها عليهم وإيجابيتها
2- مطعم وجلسه رومنسيه 3- هدية معبره مع بطاقه رومنسيه
4- إعادة الزواج . و" هذا اللي سويناه للوالد والوالده حفظهم الله مع انهم كباااار في السن "بس مو كبار مره"..
بصراحه حالهم ماأعجبنا الفتره الماضيه .. لاحظنا فيه فجوة بيناتهم وجفاف في التعامل .. وقلنا بس مالنا الا نعيد زواجهم كود يسترجعون ايامهم الخوالي ورومانسيتهم الغايبه ..
وبالفعل .. اخبرناهم عن نيتنا انا واخواتي .. وكان فيه تردد واضح من الطرفين "يقال لهم يكابرون " وتذكرنا اللي يقول يتمنعون وهم راغبون ...ههههههههههه يالبّى قلوبهم والله..
الموهيم .. طبعنا كروت زواج بالكمبيوتر على اساس انو يكون الزواج طبعا عائلي جدا بس احنا ياعيالهم و في بيتهم الله يحفظهم .. وتوزعت على اخواني واخواتي في بيوتهم .. والوالد استعد ..طلعنا بشته و.....و..... ..
والعروسه "الوالده "جهزنالها احلى ملابسها وحنّيناها يقدسون الحنّه الكبار الله يطول باعمارهم ...
واتفقنا مع مطعم يعمل لنا بوفيه كامل ..على عددنا
وبافعل في يوم الزواج الكل حضر من اخواني واخواتي .. وزفينا العروسه قصدي "الوالده "على العريس "الوالد" في وسط الزغاريدوالفرحه .. والظاهر ان الوالده عاشت الدور صدق.. قام قليبها يرررقع على قولتها .. ويدياتها ترتجف...
ماادري هي ارتبكت من كثرتنا يالحضور .. او انها نست هالأجواء.. او انها فعلا عاشت الجو خخخخخخخخخخخخخخ الله يسعدهم
الموهيم اننا زفيناهم وحطيناهم في الكوشه ..وشغلنا الاستريو ورقصنا عندهم .. وبعدها تعشينا وهم مبسوطين مررره ويالله من فضلك الجنه ..
والله ياأخواني واخواتي ماتتصورون انعكاس هالحركه عليهم إيجابيا طبعا ..
بالفعل تغيروا تغير ملحوظ للأحسن ولله الحمد ...وصاروا احسن مننا يالشباب ..
فالعبره بالقصه .. انو (( المفروض تجددوووووون بحياتكم الزوجيه وتكسرون الروتين الممل والقاتل ))
ولاتتركون المشكلات تقلب حياتكم لجحيم.. ولاتسمحون لها بالتأثير عليكم سلبا .. ولاتجعلون لليأس عليكم باب ..
استمتعوا بحياتكم .. حتى لو كنتوا عجايز وشياب .. حاولوا التجديد بشتى الطرق.. ولاتحقرون ابسط الطرق ..
موضوع عجبني ولطشته لكم