دعوآآآآآآآتي استجابها ربي تعالي شوفي السر

هلابكن يابنات عالم حوى شخباركن احوالكن




بكتب موضوعي عشان اللي تدعي تنتبه او عشان ماتيأس وعشان تزيد وتكثر وتلح بالدعاء


لاني اتمنى لكم الخير

الله اكبر
الله اكبر
وسبحان الله وبحمده
ولااله الا الله

ماشاء الله تبااااااارك الله

بقولكم قصتي مع الدعاء

انا من كم سنه ادعي لكن ماكنت التزم بشروط الدعاء كلها


واذا دعيت اجلس انتظر الاجابه ومستعجله ياربيه مر اسبوع خلصت السنه ماصار شي واشيل هم وحزينه يقالي اتفائل ومحسنه الظن بالله لكن بقلبي العكس لو اني فعلا محسنه الظن بربي كان ماحزنت ولاشلت هموم كان مرتاحه ع الاخر لان امري بيد الله ارتاح بعد الدعاء بس من بكرى تلقيني حزينه احيانا ابكي واندب حظي وش فيني انا وافكر وش اللي موقف حياتي وهوااااجيش مالها آخر

وكان عندي ذنوب ماكنت افكر فيها عادي لاني متعوده اسويها صرت اتهاون فيها


والحمدلله بشهر رمضان دعيت ربي انه يهديني ويعينني على طاعته وعبادته
وبشهر شوال تركت كل معصيه لوجه الله وحافظت على فروظي مااتهاون فيها لانها الاساس وعمود الدين واذا صلحت صلحت اعمالنا كلها
وبديت استغفر لذنوبي واعترف لربي اني مذنبه وكلما جيت اسوي معصيه اتركها لوجه الله قلت لازم ارضي ربي اي شي يغضبه ابتعد عنه واي شي يرضيه اتمسك فيه
ولاتنظرين للي عند غيرك لان ممكن تحسدينها واانتي ماتقصدين كلما شفتي شي اعجبك قولي ماشاء الله لااله الا الله عشان يجيك مثله اما اذا ماتمنيتي لها الخير راح تندمين والحسد مو زين والله لك وللمحسوده ربي يعاقبك ويحرمك من شي تتمنينه

المهم


كنت ادعي كثير اول مره الح بالدعاء زي كذا اقوم وانا بغرقه النوم دايخه وحالتي حاله واتذكر اقول اللحين ربي ينزل ينتظر عباده يدعونه مجرد افكر كذا اصحصح واصلي وادعي ادعي ادعي واذا خلصت من الصلاه ادعي وشرب مويه زمزم وادعي وبكل صلاه ادعي بالسجود ادعي عند الجلوس للتشهد وادعي اذا خلصت من الصلاه بعد اذكاري ادعي اصلي السنن وادعي فيها واصلي سنه الظهر اللي هي اربع ركعات اذا صليتها يجيني احساس ان دعوتي بتستجاب بأذن الله ادعي بصلاه الضحى ادعي بعد الاذان ادعي يوم الجمعه بكل موطن اجابه ادعي به

واستغفر لذنوبي لاننا كلنا نذنب مهما التزمنا مو انبياء حنا عشان نطهر انفسنا لان بعض البنات تقول انا التزمت سويت وسويت لكن ماستجاب ربي دعوتي وش دراك انك مااذنبتي لازم نعترف بذنوبنا

وقلت ماراح انتظر الاجابه واستعجل دعيت خلاص مافكر بالاجابه خليها طالما بيد ملك الملوك ومدبر الامور انا مرتاحه لاني قريت حديث يسجاب لك مالم تعجل لان الاستعجال سبب تأخر الاجابه


وخليت كل همي بالاخره اذا جيت ادعي افكر بالجنه والنار افكر قد ايش انا مذنبه اطلب الغفران اطلب النجاه من النار اطلب الجنه اطلب رضا الله سبحانه



المهم الزبده اني بعد ماعدلت طريقتي بالدعاء وغيرت من نفسي الحمدلله ربي استجاب اغلب دعواتي واحمده واشكره ماشاء الله تبارك الله
ومسأله زواجي سألت الله انه يكشف لي السبب لان خطوباتي ماتمم زي البنات قلت اذا هي ذنوب اغفرها واذا فيني مرض روحي اشفني واعينني ع الرقيه وحلمت سبحان الله حلم وقال الشيخ ان فيك نفس وحسد والفرج قريب والحمدلله محافظه على رقيتي وتبين لي اني مريضه بحسد فعلا مع الاستمرار بالرقيه وانا قبل كنت اقول مافيني الا العافيه واتجاهل المواضيع هذي وان شاء الله بدايه خير وفيه بوادر خير مقبله بأذن الله

والدعوه اللي دعيت فيها وتحمست كل يوم ادعي واطلب انه ماتخلص السنه الا وهي متحققه لي شهرين ادعي مره كنت مصممه والح وملزمه :) والمفاجأه انها صارت قبل تنتهي السنه وماشاء الله لاقوه الا بالله للحين متعجبه لدرجه انها يوم صارت طيرت عيوني وفتحت خشتي


اللحين ماعاد شي يهمني او يحزني لان ربي معي وبالدعاء يتحقق لي اللي ابي مافيه خوف طالما متوكله على الله ومحسنه الظن فيه بقوه مو بس كلام

يعني

يقين وتفاؤل عجيب بدون اي ذره شك بقلبك او خوف من عدم اجابه الدعاء واخلاص لله بكل اعمالك الصالحه التفكير الاول بالاخره والتوبه النصوح والالحاااااح بالدعاء يوميا وعدم العوده للذنب وعدم الاستعجال استجابه لدعواتك وراح تشوفين بعينك



هذا موضوع احد الاخوات دعاء شامل مدح لله وكل شي مره زين زيدي عليه عاد من عندك اللي تبين لكن لانه كله فيه تعظيم ومدح لله ادعي بخشوع ووقلب حاضر وحاولي تبكين لعظمه وجلاله ربك
http://forums.hawaaworld.com/showthread.php?t=2727696



والحمدلله رب العالمين