@@دعواتكم الله لايفرقني عن عيالي مابي طلاااااااااق@@

السلام:44:
بنات انا قلبي يعورني وماعندي احد اشكي له همي طبعا انا دايما ادعي ربي ليل ونهار يهدي زوجي و متوكله على ربي وراضيه بنصيبي والحمدلله على كل حال بس لازم الواحد يحتاج بشر يسمع له وينصحه
لاني ساكنه بعيد عن اهلي
كتبت قصتي سابقا واللي صار حاليا انه يقول خلاص بيطلقني ولما قلت له ليش مارضى يتناقش معاي ولا معطيني وجه قلت اكتب له في رساله واحطها بالاب توب حقه اسئله شفيك وليش انا شسويت وكذا
المهم رد علي اخيرا يوم ثاني تخيلوا وش عذره حسبي الله ونعم الوكيل


يقول انتي السبب اللي اخرتيني في دراسه الماجستير وخليتيهم يرفضون اني اكمل (لانه انتهت مده الدراسه وهو ماقدم البحث) المهم قلت له انا شدخلني انا ماسكه يدك عن تكتب شالكلام وشهلاعذار:icon33:

يقول اي انتي اللي جلستي تحنين انك تبين تجين معي هنا (مكان شغله) وانا ماكنت مستعد وجلس يخربط
والسالفه الصحيحه انه ضيع وقته بنفسه كان يبي يسافر بره عشان يجيب مراجع ولا سافر ولا حتى دور عن مكاتب البحوث يجيبون له البحث الا بعددددددين واحد قاله رح هالمكتب الفلاني وهم يجيبون لك

المهم يعني لا انا ولا عيالي لنا دخل في تأخيره حط العله فيني وانا ياغافلين لكم الله
وهذا من حقي اجي عنده ونفس الاجار هنا نفس قيمته لما كنا بديرتنا واساسا اهله اللي يدفعون الاجار مو هو
وها هو الحين مايكلمني كلش ولاياكل من طبخي يقول حتى برمضان مايبي من يدي وبيشتري مقاضي لي انا بس ولا هو مايبي مادري شمسويه فيه
بس فالح يرسل لي رسايل اشعار تغث القلب وخلاص وعفتك ومن هالكلام

بس مثل ماذكرت سابقا اهو لما يجي شهر شعبان و رمضان يصير دايم مبوز ومهموم ويدور علي الزله واخرتها يفتح لي اسطوانه انه احنا خلاص مانبي نكمل مع بعض وان بياخذ عيالي وانتهينا
ولاحد يقولي حسد ماتوقع لانه ماعندنا شي ننحسد عليه ياحسره

بس انا مابي الطلاق انا ماسويت شي وياويلي من اهلي اذا دروا والمصيبه انهم مايبون عيالي والحياه عندهم جحيم من اول فكيف بعد ماتطلق
وانا ابي اظل جنب عيالي ابي احضنهم واربيهم عشان كذا قلت اني بقوله اني ماراح انزل اذا خلص دوامه بظل بالشقه مع عيالي لاني مابي افارقهم وتعبت من هالهم اللي ملازمني كل سنه
وقال عادي انا بنزل وانتي خلك ماهميتيني اه يالظالم

وابي اسئلكم الحين لو صار الطلاق الله لايقدر ويهديه ويرجع زي اول
المحكمه تقدر تلزمه انه يوفر لي سكن واجلس فيه مع عيالي
لان اهلي مايبوووووووون عيالي وانا ماقدر اعيش بدونهم ابي اشوفهم كل يوم والله تعبت لا اهل ترحم ولا زوج يرحم وين اروح وين اولي

اللي عندها حل غير الطلاق ممكن اسويه لعله ربي يهدي زوجي قبل ماينزل لان الحق ينقال احنا نتزاعل من بعض بس نرجع لبعض وهو كان في الشهو السابقه طيب وحبوب وعايشه مرتاحه بس في هالشهرين بالذات يزعل بدون سبب ويقولي بيطلق والعام لولا اهله تدخلوا ولا كان سواها وطلقني
بس ماضنتي اهله كل سنه بيتدخلون اذا انا مليت من هالمشاكل شلون اهم اكيد بيقولون تطلقوا وريحونا

عشااااااااان كذا ماراح انزل عسى ربي يهديه ويحنن قلبه

ولاحد يلومني ويقول ضعيفه ومالك شخصيه انا عشان عيالي وعيونهم البريئه مستعده اترجاه وابوس رجوله مايتركني خاصه انه ماوراي اهل مابي اخسر كل شي
ودعوااااااااااااااااتكم ربي يفرجها علي اااااااااااااااااااااااااااااااه