دعواتكم انا في هم عظيم وارغب في استشارتكم

السلام عليكم مشكلتي جداا كبيره 
الله يستر وينصرني يارب




انا يا بنات ساكنه فوق أهل زوجي .. انا شماليه غربيه وزوجي جنوبي شرقي 
طول الوقت طلبات اهله هو قايم فيها .. بشكل يقهرر .. اشيا ضرورية للبيت ياجلها .. ولو اهله يامرونه بشي على طول ينفذه . والي يقهر انو اذا وافق نروح لمشوار ينزل لاهله ويقولهم .. تقوله أمه ابي اروح لكذا يصعد فوق ويقول خلاص انلغى المشوار .. مره مرتين ثلاث .. الين جا الأسبوع الي راح وكنت ابغى اروح لاهلي وهو وافق .. شوي نزل لاهله ثمن رقى وقال خلاص مافيه روحه عندي مشوار 




طبعا مستحيل يوديني ويوديهم لاا
ليه شهور مارحت للسوق وملابس بنتي صغرت عليها 
أسناني اخاف تتكسر من كثر التسوس ومع ذلك ولا هاااامه 




قلت ايش المشوار قال بودّي أمي قلت طيب فيه غيرك .. وانا ابي اروح لاهلي قال تبيني ما ابر فأمي ووو هواش .. 
قلت هذا انت نازل بقرار راقي بقرار 




مد يده علي وضربني 




انهرت وقلت ودني لاهلي قال طيب وفعلا لميت اغراضي واخذت بنتي ونزلت وجات أمه معنا حطها فمشوارها يعني ماطاح منه شي هذاهو وداها حسبنا الله ونعم الوكيل 




كنت راكبه ورى وحاول يبغاني اجي قدام عشان يراضيني بس انا رفضضت 




ووداني لاهلي 

وطلبت منه الطلاق 


ابوي مره متضايق ويبغى يصلح بينا .. اتصل عليه بعد أسبوع قال تعال قال أعتذر عن الحضور ..




فيني ضيق مو طبيعي 
أمه حسبي الله ونعم الوكيل حاقده وممكن تخرب حياتي 
وهو كلل شي فحياتنا يقوله لها وين طلعت وين رحت 
الان عرفو عن الموضوع ويااارب سترك 
دعواتكم ليه 




انا متضايقه احس ابوي استعجل وكلمه ودي ما كلمه مبكّر 
والي ضايقني اكثر رده .. 
طبعا ابوي ما قالي مايبي يضايقني بس انا شفته فجواله لما تركه وراح
نصايحكم يا عمدات الجنوبي ..