دعواتكم بنات لي بظهر الغيب..........

حبايبي انا تزوجت صغيره وصارلي الحين متزوجه اكثر من 20 سنه وعلشان جذي ما اعرف بسرعه اراضيه لين تعود

اني انا اراضيه حتى لو هو الغلطان

بعد ما كبرت وبديت افهم اني اللي اسويه غلط بديت اذا زعل اراضيه بعد شهر وبعدين شهرين ومره قعدت 3 شهور

وبعدين راضيته وصار يتمادي اكثر معاي اول ما كان يغلط كثير مثل الحين وعيالي كبرو هم ما راعي هالشي

واخر مره زعلني علشان اخوه مع انه غلطان وهو عارف وزعل وجيته الصبح ومعاي القهوه وانا نسيت السالفة لكن هو

ما نساها وقالي ما ابي اشوفج ولا تجيني والله يا بنات حزت بنفسي عشرة هالعمر ايعاملني مثل البزران واجلس سنتين

ونص ومتخاصمين في بيت واحدولا انشوف بعض وقطع المصروف عني وانا مريضة ضغط وسكر وغدة واحتاج ادوية

اخذ من مصروف اولادي المدرسه وربي علي ما اقول شهيد وصبرت والله ايعامل الخدامة احسن مني ولا حتي بالاعياد

يعمل حسابي يعني لاحظو شغله تافهة بسبة اخوه الغاني من حياته سنتين ونص لأنه متعود اني انا اراضيه وهذي نصيحة

من ام البناتها ولخواتها عودي زوجج على ان اتكون لج كرامه ولا تتنازلين عن حقوقج والحين ابي منكم تدعولي ان الله

يفرجها علي لأن عيالي بدو يتضايقون من معاملة ابوهم لهم والله اختصرتلكم حياتي معاه مع اني لو ابي اكتب راح

تنصدمون من اللي راح اقوله باس الشكوى لغير الله مذلة فاتمني منكم الدعاء لي ولعيالي بالفرج والله يسعدها اللي تدعيلي

ويفرج عليها امين يا رب