(( دعواتكم لوالدي بالرحمة ))

السلام عليكم ورحمة الله وبركاته

حبيت اشكركم بنات والله يجزي خيراً كل من سئلت عن حالة أبوي ودعت له لو بظهر الغيب

بنات أبوي الحين محتاج لدعائكم بس مو دعاء ان الله يشفيه 

دعاء الله ورحمة ويغفر له ويوسع مدخلك بالجنه

آآآه يابنات ابووي مات وماتت معه كل فرحه وسعاده في البيت تخيلوا بيت بدون اب بنت بدون اب اولاد صغار وبعمر محتاجين حنان   الاب

ابوي الله يرحمة كنا طالبين اخلاء طبي للظهران ارامكو وارسلت الهيلكوبتر ارامكو بس تخيلوا ارسلت ممرض بدون دكتور ورفض الممرض يشيل ابوي لان بجاحه لدكتور

ماطلوا فينا وفي ابوي المسكين كان يقوول تكفون بروح اعيش عمري الباقي مع عيالي بس ابي اشوفهم وتدهورت حالته صار عنده انخفاض ضغط وفشل كلووي
كله خلال يوم اللي كان منبسط انه بيجي عندنا قريب كان يقول لاخوي المرافق معاه الحمدلله اليوم الثلاثاء بيجي الاخلاء الطبي وبشوف عيالي عندي طول الوقت قريب المستشفي لبيتنا
ولما رفضوا عشان مافيها دكتور اتدهورت حالته وتعب ودق علينا اخوي يبكي يقول تعالوا شوفوا ابوي كلكم
وكلمونا مستشفي ارامكو واعتذروا عن الغلط انهم نسوا دكتور  وقالت وحده هي المسؤله عن اوراق الاخلاء الطبي لامي لو كنت مكانك وزوجي بالحاله هذي اخذت عيالي وقعدت عنده المهم طلعو اخواني من المدارس وكلمنا اخواني المتزوجين وخواتي ورحنا كلنا لمه بالرياض بنفس اليوم الثلاثاء شفنا ابوي شفنا القوي كيف صار ضغيف ولا حركه ولا شي نظره عيون ثابته ماتتحرك انصدمنا وبكينا دخلنا وبسنا راسه ونقول له انا فلانه وكان يقول بنبره صوت ضعيفه ايه ومايتحرك كانوا مغطينه بالبطانيه وراسه بس طالع
دخلوا اخواني الصغار الاثنين كان ابوي يموت فيهم عمره ماقال لهم لا كان لما يتعب احد فيهم يبكي كان هو اللي يوديهم المدرسه ويرفض احد غيره يوديهم  دخلوا وشافوا ابوي يحسبون ابوي علي خبرهم قبل اسبوع يجلس ويتكلم لما دخلوا كانوا مبسوطين ولما شافوا ابوي اقسم كان شي ضاربهم بوجهم وكلهم رجعوا لورا وخافوا دخلهم اخوي وقال سلموا باسوا راسه وكان ابوي ساكت ولما قال اخوي المرافق لابوي هذا فيصل وعبدالرحمن ياابوي والله يابنات انه شال البطانيه ورفع يديه وياشر لهم يجون يضمونه وكان نظراته ثابته ماتتحرك بس كان يدمع لما شافوهم
قعدنا عنده وطلبنا غرفه خاصه لوحده علي حسابنا ولما جو ينقلونه لها تكلم قال لا لا خلوني مع عيالي مابي تكفون بس هالكلمات قالها وسكت
رحنا الشقه قريبه للمستشفي وزرناه الاربعاء وأآه من يوم الاربعاء رحنا الصباح كان يقول تكفون ابي اكل جوعان تكفون ماء وكان ممنوع من الاكل والشرب لان كان يشرق ويطير نفسه وكان قلبي يقطعني وهو يقول جوعان

طعلنا ورجعنا العصر له وكان ساكت لاكلام ولاحركه نظرات ثابته بس كانت تنزل دموع مثل الخرز

وطلعنا الحديقه كانوا بيغرون له 
ورجعت امي وجدتي وانا تخيلوا ايش شفت لما دخلت شفت ابوي يشااااااااااااااهق والغرفه مليانه دكاتره وممرضين ابوي يشاهق بقوه والاهواز بحلقه يسحبون دم من الرئه نزف ورم الكبد عنده وطلع علي الرئه
طلعنا اخوي 
رجعنا الشقه وانا الموقف مو رايح وعارفه اخوي يكذب هذا مو بلغم  وابوي ينازع الروح
صليت  ودعيت انه يعيش لبكره ابي اشوفه واضمه بس ماقدرت اضمه
مانمت ذيك اللليله ولا امي ولا اختي كل يكذب علي نفسه يقول مافي نوم الباقي اخواني محد شاف اللي شفته انا وامي
دقيت علي اخوي الساعه 12 قال ابوي ماعليه وضعه كويس وهو نايم وانا بقلبي اقول عارفه ابوي يحتضر
دقيت  عليه الساعه3 قالي قلت مافي شي قلت له ابوي يحتضر لاتكذب وحلفته وكلمته امي وقال ابوي تعبان والرئه ضعفت والتنفس والقلب آآه ياابوي 
دقيت علي اخوي الساعه6 ونص قالي ابوي ادعي له بالرحمه هو تحت رحمة ربي قلبه ضعيف وتنفسه ضعيف 
الساعه 7. انا وامي وخواتي جالسين بالشقه دق الجرس ركضت افتح شفت اخواني الاربعه 
قال اخوي الكبير ابشرررك ابوووي ؟؟؟؟؟؟؟؟؟؟؟؟ قبل لايتكلم هنا طلعت ابتسامه مني كنت احسبه بيقول ابوي تحسنت حالته او ابشرك هذا ابوي معانا وانا نظراتي تدور بين اخواني ابوي مانتبهت لاشكالهم ودموعهم 
قالي اببشرررك ابوي تشهد  وقراء القران ووجه منور وعظم الله اجرك 
آآه يااابنااات والله قلبي انكسر مليووون مره انذبحت مت تمنيت الموت يجيني كنت احسب يبشرني ان ابوي تحسن او انه يقول ابشرك ابوي هذا هو معانا طلع من المستشفي كل هالافكار جتني بثواني لحد ماقال عظم الله اجرك رحت الغرفه بكيييت تخيلو بناات اغلي اثنين ولدي وابوي وكل اسمائهم محمد ولدي مات العام بتاريخ  3/15  ميلادي وابوي نفس التاريخ من هالسنه تعقدت وجاني شعور ان كل يوم بالهسنه بيموت احد كنت بغرفه لوحدي اتذكر ابوي وولدي كل شي مر بحياتي مع هالاثنين تمنيت ان ربي ياخذني مادري وشلون بعيش  اما اهلي كانوا بحاله يعلم الله اختي وحده ماتزوجت لسى تشنجت وصارت تصيح وتضرب بنفسها واختي الكبيره مانرلت دمعه منها بس صارت ترتجف بقوه اما امي والاولاد الله ثبت علي قلبهم
توفي علي اقامه صلاه الفجر فجر الخميس وجو الاقارب كلهم ورحنا بيت خالي صلو علي ابوي بجامع الراجحي بالرياض ودفنوه هناك اخوي اللي مرافق معاه نزله للقبر ودفنه وانهااار بعدها اخواني الصغار بكووابصمت ودفنووه طلعنا من الرياض وخلينا ابوي والله يابنات احس بذنب اقول بنفسي كيف نطلع ونخليه لحاله رجعنا البيت وياطول الطريق وياشين البيت لما دخلناه رحت لغرفة ابوي وضميت بطانيته والله ريحته لما الحين فيها ويازينها من ريحه ضميتها وبكيت وانا اقوول بنفسي مشتاااقه لضمته مشتاقه لضمة ابووي وولدي كنت اقول بكره بضمهم واشبع منهم وراحوا وانا ماضميتهم كل اللي ضميته بطانية ابوي وبدلة ولدي اللي اخر شي لبسها لما دخل العنايه 
الحين ابوي له اسبوعين متوفي واحنا كل ماتكلمنا عنه او سولفنا عنه اغلط واقوول الله يشفيه واسكت وينقرص قلبي وارجع اقول الله يرحمه 
اخوي الصغير كل ليله يبكي بغرفته ولما نسئله يقول اذني تعورني
وانا عارفه بقلبي انه يبكي علي عزوتنا ابوي 
بنات ادعو لي ان الله يثبت قلبي لان احس بديت اضعف ضعفت قبل سنه بوفاه ولدي حسبي الله عليهم اهمال مستشفي كان السبب بوفاته دخلته لهم يرضع ويضحك ويلعب وطلعته جثه 

واسسفه علي كل شي بنات ادعو لابوي بالرحمه وادعو لي الله يثبت علي قلبي