:mad::mad::mad:
مدري متى وزارتنا المصونه تحط عقوبات رادعه جدا جدا جدا للمعلمين وخصوصا الذكور منهم والله ياشيء اسمعه من اخواني حسبي الله ونعم الوكيل بس
المهم مافي الأمر قمت من النوم اليوم وامي تقول تركي ادعي له قلت وراه سلامات قالت منوم له بالمستشفى له اسبوع قلت نعم قالت ايه له اسبوع منوم بالمستشفى معه نزيف داخلي بعينه قلت ليه وتحكي لي السالفه وهي؟؟
تقول انه هو وزميله جالسين بالفصل وزميله يصفر بال*** والتفت عليهم الأستاد قال من اللي صفر رد زميله وقال تركي المهم هاوشه وهو ماسوا شيء المهم الولد النجس ذا ماسكت مغير يصفر مرة ثانيه ولد وجاء وضربه على يده قاله استاد ترا موب انا والله هو المهم قال خلاص وسكتو شوي رجع مرة ثانيه ومسكه وضربه باللي اللي معه مع الضرب جاء اللي على عينه المهم قاله الأستاد انا اسف وبنجحك بجميع المواد ولاتقول لأحد وكذا لأنه عينه حمممممممرت المهم سكت الولد على اساس خف الألم يوم جاء لأهله بالبيت قالت له امه وراك قال طايح المهم مشت الأمور ويوم جاء المغرب وإلى الولد يصارخ من الألم وعينه زرقاء وجبينه منتفخ وراحوا للمستشفى ومع الفحوصات قال الولد طايح قال الدكتور لأ هذي العين مضرووبه بشيء وكذا والولد ساكت معيي يقول إلى ان فتح التحقيق يحسبون ان امه وابوه مسويين فيه شيء( ((وحيدهم يفدونه بروحهم ماعندها غيره وبصف خامس ابتدائي)) ومع التحقيق قال الولد الأستاذ ضربني المهم وجابوا الأستاذ وقال ايه ضربته وماكنت قاصد وجت بعينه وكذا وإلى الان التحيق جاري المهم انه اهل الولد يجون كل يوم ل أم الولد تنازلوا وانه ماله 3 شهور متوظف وكذا مدرسه حكوميه وهم مستحييييييل مستحيييييييل يتنازلون اعرفهم عاد هي تشور امي تقول انه امه تقول تنازلوا ولكم اللي تبون قالت امي وعين ولدس لازم يأخذ رادع له لازم يفرق بين ظروفه في الحياه ومكان عمله عاد انا اقول لأمي كان ماقلتي لها كذا بس والله ماقدرت افكر بالأمر بس مهما كان لما جلست وجلست مغير افكر تذكرت اخوي يقول مدرسنا يأخذ الجلده اللي بالشباك واللي يتكلم ولو *** فراغ هاتك ياضرب مع انه الضرب ممنوع منعا باتا والله ياقلبي عليه اخوي مرة جانا ايدينه مشخطه من الضرب وليه يقول زميلي يغش من ورقتي بالأمتحان والأستاد يحسبه انا اللي اغش المهم واقوم اكتب له ورقه واعلمه فيها انه الضرب ممنوع بالمدارس وبأمكاني اصور يدينه واروح فيها للوزاه يتعاقب عليها وقبل كل شيء لازم لازم يتأكد من الحاصل موب ضرب على طول وعدت الأمور على
خير
بس ابي منكم دعواتكم لتركي الدوسري ان الله يشفيه ويخليه لأمه ماعندها غيره والله تقول لو تحرك زاد النزيف لو نام زاد النزيف يقوله الدكتور الله يشفيه يااااااارب الله يشفيه يااااااااارب
أخر همي أنسان @akhr_hmy_ansan
محررة فضية
يلزم عليك تسجيل الدخول أولًا لكتابة تعليق.
الصفحة الأخيرة
الله يشفيه ..