دعواتكم لي ..........

السلام عليكم انا عندي مشكله وانا متوكله على الله قبل كل شي الحمدالله على كل حال انا متملكه على ولد عم ابوي صار لنا 6 شهور وحنا نكلم بعض بس عاداتنا الوالد مايدري اني اكلمه المهم في بداية المكالمه الوضع عادي وزين بس بعد شهرين من المكالمه صار هو ياخذ فتره مايكلمني ويقولي انتي لا تكلميني متى ماانا كلمتك كلمتك و وافقت صرت خليته على راحته وفعلا ياخذ فتره ويرجع يكلمني عادي وانا استقبله بكل رحابة صدر ومرات يعطيني بلوك في الواتس ثم يرجع يشيله ويكلمني عادي وهكذا الين جا قبل كم يوم وقال لي ابي اكلمك في موضوع قلت تفضل قالي انا احيانا افكر في امور الحياه ومستقبلها ونفسيتي تتغير لدرجة احيانا مااكلم احد واحيانا اقول في نفسي انا اخاف اظلم بنت الناس معي اللي هو انتي وانا مارتحت لك وماعندي وظيفه وللعم ويشهد الله علي ماعمري اخطيت عليه ولا بكلمه واذا حسيت اني اخطيت اقوله انا اسفه حتى لو مو اخطيت وسالته انت تبيني اكون زوجتك ولا لا قال ايه ابيك بس انا مدري ليه احس مو مقتنعه احسه مايبيني وقاعد يلف ويدور علي الحين زواجنا يمكن بعد 3 شهور وانا ماني صغيره وصبرت كثير ولازلت صابره ومحتسبه الاجر عند الله بس يجيني شعور وتفكير كيف اجهز لزواجي وانا نفسي مسدوده بعد اللي سمعته منه زيي زي اي عروسه تجهز وهي مبسوطه وفرحانه ليوم زواجه وتستقبل زوجها بابتسامه وحتى بعد الزواج الله يكون بعوني الحمدالله على كل حال