أموت بغروره :

خلاص ياخي انا فقدت الامل تكتب العضوه موضوع ونكتبلها معاريض حلول ونصايح وترجع تفتح موضوعها كم مره وماخذت ولا شي ولا اقتنعت بنصايح اغلبية العضوات انا لما اكتب رد لعضوه عندها مشكله وهي متعرضه لظلم كبير عقب ماكتب ارتاح نفسيا احسها صارت بأمان واحس كل شي بيتصلح بحياتها وتبدا بدايه جديده .وبالنهايه يروح كلامنا مهب الريح وودها ترجع لحياتها الظالمه وودها ترجع بدون حقوق بدون حب بدون موده بدون مصروف طيب ليه ودك ترجعين ؟ يختي لاتناظرين اللي يقولون اصبري تلقين كل وحده متهنيه بحضن رجلها صحيح عندهم مشاكل لكن مشكله او مشكلتين مقابل حياتهم السعيدة الباقية لكن انتي حياتك معها كلها مبنيه ع غلط ومشاكل مافي ولا حسنه وحيده فيه ماحقق ولا هدف من أهداف الزواج ليه تتعلقين فيه وبترجعينله ؟ الشخصيات الي زي كذا عجزت القا لها تفسير انتم تعشقون الظلم ودور المظلومه تحبون تعيشون بالعالم ذا السوداوي كل ماتتعذبون تعشقونه اكثر وتعشقون حياتكم معه اذا كذا علمونا وخلاص لجل مانكتب ردود ونشيل همكم وترجعون ترمون كل كلامنا وتنفذون الي بخاطركم !! مدري شقول بس

خلاص ياخي انا فقدت الامل تكتب العضوه موضوع ونكتبلها معاريض حلول ونصايح وترجع تفتح موضوعها كم مره...

بائعة المسك :

انتي ماتضايقتي عشان ولدك تضايقتي انك تتابعينه بالواتس ولقيتي انه محظرك مو سالفة اغراض ولدك الحين السوء انك متضايقه ماتشوفين وينه وش يسوي لانه حظرك انتي تحبيييييينه مررره وكلامك قبل انك تكرهينه من افعاله كلام مو حقيقه هو جالس الحين وعايش مرتاح مع الاولى وهيييييي اللي خلته يحظرررررك لاتقولون مانبي نظلمه ولا شي لا خلاص انتي مطلقته الحين هي مرتاحه لانك مطلقته قالت له خلاص حظرها تبي شي تخلي خوانها يرسلون لك افهمي مو البنات كل شوي جايه وحده وتقول سويت زي ماقالوا البنات ويجن مدرعمات يقولون ليش تسوين زي ماقالوا البنات تعالي عيشي عيشتها انتي وياها اللي ليش تسوين تعالوووو شوفوا كيف عايشه مابي اقول شي انتن مرتاحات مع ازواجكن ومستانسات وهي زي المطلقه وهي بيته وتصرف من مالها على نفسها تصررررف على نفسسسسها وشتبووووون انتن وش فايدة الرجال اذا المراه تصرف على نفسها وولدها من مالها هي وهو مايعطيها شي وش فايدته يجي بس يتسدح بفراشها ويطلع لحرمته الاولى ويقعد عندهم لا يقعد معها لا يسولف معها لا يشوف ولده وش يحتاج ولايقول اعدل لا النوم والبلع عند الاولى يبي يغير جو السرير جاها خلص يروح للاولى يكمل الجو الاسري معهم وهي وشو حيوان جماد حقيقه والساكت عن الحق شيطان اخرص والبنات اللي قالولها ونصحوها لاتلاحقينه انسيييييه طنشيه لانه هوووو بايعها مايبيها مايحبها ماخذها (مكرابه) لزوجته الاولى ماخذها يبي يقهر الاولى فيها من اول ماخذها وهي مو مرتاحه ويبيها تحمل ليش عشان تنقهر الاولى وتركض وراه وتحبه بس صار عكس مايبي هو الاولى اهانته وذلته وتركته وضفت عيالها وراحت لاهلها وهو انقهر وصار يصب قهره على المسكينه الثانيه وش ذنبها هي وكل مازعلت الاولى منه حط هو حرته بالثانيه وعشتن يرضي الاولى طلق الثاني بالله ذااااااا انسان يخاف الله ويتقيه هذا البعد عنه غنيمه انتي ياختي عيشي لنفسك انسيه زي مانسيتي زوجك الاولى ابو عيالك الاولين عيشي وستانسي وانسي هالرجل وتحسبي عليه ودوري لك وظيفه عشان تشترين لك ولعيالك بيت صغيره قدكم وظيفه تعزك وتعز عيالك واذا حظرك بالواتس من متى طالع عندنا الواتس من اول ماطلعن الجوالات؟! به شي اسمه رساله نصيه انا اراسل اخوي بالرسايل النصيه مو بالواتس لانه مايعترف بالواتس

انتي ماتضايقتي عشان ولدك تضايقتي انك تتابعينه بالواتس ولقيتي انه محظرك مو سالفة اغراض ولدك...