عديل الروح خذي قطع الملابس الداخليه وملابس النوم وخصوصا في شهر العسل كل يوم شكل لانج اول ماترجعين بتاخذين حمام وبتلبسين قميص النوم فلازم تاخذين كل اللي اشتريتي
اما الملابس ما انصحج تاخذين الكاشخ اخذي السبور واشتري رياضي اريح

موضوع حلو...

صراحه أنا خذت الملابس اللي حابه البسها لزوجي "للطلعه",,والميك آب "وانا ما كنت شاله واااايد ميك آب" لاني أحب المكياج الخفيف وأبرز عيوني بالكحله...
وطبعآ العطور العربيه+ الفرنسيه+الاكسسوارات""لان عمري ماخذت معاي مجوهرات في سفر""!!
وأهم شي تاخذيلج جوتي مريح للمشي لان حطي في بالك انج بتمشين اكثر من انج تركبين سياره..
والاهم من هذا كله قمصان النوم والكريمات للجسم المعطره,,وأغراض الحمام الله يعزكم وايد مهمه يابنات مثلآ:"الغسول اللي تستخدمينه,,الشور جل المعطر,((فرشات الاسنان)) هههه مكينة نزع الشعر هاااا لاتنحرجيييين :)

والله يوفق كل وحده مقبله على الزواج...

عيونج الحلوووووه

تسلمين غزال العاصمــــــــــه

ياليت تقولين لنا طريقتج في ترتيب الجنطه ويزاج الله كل خير

الله يسلمج حبيبتي..

الغاليه انا كنت ماخذه شنطه صغيره للمكياج,, وشنطه نفسها للعطور وكريمات الجسم,, والثالثه لاغراض الحمام "الله يعزكم" ..وفي أجياب الشنطه من داخل حاطه مكينة نزع الشعر والاستشوار والمشط,, وفي شنطه بعد صغيره حطيت شباصاتي مع الاكسسوارات..
وطبعآ حطيت ملابسي فالشنطه الكبيره وبينهم الشنط الصغيره اللي فيها الاغراض,,
وخليج انيقه خذي الشنط الصغيره نفس الشي مب وحده حمره والثانيه خضرا,,((حتى زوجي عودته على هذا الشي)) كان ينثر اغراض الحمام والعطور والملابس مع بعض,, الحين من نفسه لو ما اكون معاه تعود على الشنطه الصغيره لاغراض الحمام والثانيه لاغراض الحلاقه والعطور... ""عسكريه"""هههههه
احس يوم توصلين البلاد الثانه ما تتعذبين ودورين وين العطر ,,وووووين المشط,, كل شي مرتب بس حطيه في مكانه...

وان شاء الله استفدتي...

:)