دعوة المفهيات لفرفشه

اولا هذا الموضوع للفرفشه انا اكبر مفهيه مع مرتبة الشرف مره كنا جالسين انا وخوات زوجي نسولف الا مخي مع كثرة الحش وقف واقوم انادي على البزارين من اخذ شهد جيبوها لا تطيحوها شهد هذي بنتي عمرها 6شهور ولا اشوف خوات زوجي كذا:eek:اقول وش فيه يقولن طالعي بحظنك وتدرون وش لقيت :22:لقيتني ارضع شهد هههه وفشيلتاه قالت وحد من حمواتي الله يخلف على اخوي خرفتي غير ادور له على حرمه وهذا موقف لي طازه انا معقدتي الشوشه متقصفه وحالتها حاله ومن كم يوم اسوي من هالخلطات يقال شاطره من جنبها والبارح اسوي ذيك الخلطه اللي تصرع القرد واحط كيس على راسي وانام والييوم يوم صحيت افتح عيوني ما اشوف شئ احس غشاوه على عيوني ياربيه وش فيني وافتح واغمض :angry2:مافي مافي فايده قلت مافيه الا الخلطه اثرت علي وسببتلي عمى وبعد معناه تدرون وش اكتشفت ههههههه الكيس نازل على عيوني يلا كل وحده تقول موقفها مع الفهاوه